Print this page

PN Autoriza Ona PR Deklara EE Dalimak

By September 03, 2020 870
Deputadu sira iha hela plenária Parlamentu Nasionál. Deputadu sira iha hela plenária Parlamentu Nasionál. Foto Supply

Tempotimor (Dili)-Parlamentu Nasional fo Ona Autorizasau ba Prezidente Republika (PR) atu deklara ka renova estadu emerjensia (EE) dalimak nian iha teritoriu Timor-Leste.

Desizasaun autorizasaun ne'e PN desidi liu husi deskusaun plenária estraordináriu iha Parlamentu Nasional kinta (3/9) ohin. Ne'ebe ho Aprovasaun tuir kategoria nominal ne'ebe rezultadu votu A-favór 40 Kontra 0 Abstensaun 7.

Ho nune'e Xefi estadu sei desidi EE dalimak bazeia ba alinea G konjuga ho artigu 25 Konstituisaun no artigu númeru 1,9, 10, 11, , 15 no 27 hosi Lei númeru 3/2008, 22 fevereiru kona-ba Rejime Estadu Sítiu no Estadu Emerjénsia ba iha territóriu nasionál tomak, durasaun loron 30.

Iha biban ne'e , Prezidente Parlamentu Nasional (PPN) Aniceto Longinhos Guteres deklara, PN fo votus pedidu PR nina tuir aprovasaun ho nominal, ne'ebe iha sentidu sei fo autorizasun ba xefi estadu bele deklara EE ba dala lima iha TL.

"Estadu emerjensia renovadu ita hotu hein katak governu sei implementa ho diak,"Dehan Aniceto hafoin taka deskusaun plenária estraordináriu iha parlamentu nasional, kinta (3/9).

Nia afirma Timor-Leste geografikamente besik Repúblika Indonézia ne’ebé rejista ona 160.000-resin kazu kofirmadu COVID-19, ema na’in-7.000 mak mate hosi provínsia 34 iha territóriu Indonézia nian inklui provínsia viziña Timór Osidentál (Nusa Tenggara Timur- NTT).

Nune’e mós nasaun viziña Austrália ne’ebé rejista ona kazu 25.000 infesaun konfirmadu no ema na’in-600 resin mak mate ona.

Tanba ne'e nia afirma parlamentu nasional fo apresisaun bazeia ba faktus hirk ne'e mosu liu-liu problema sira ne'ebe temi ona iha Mensajen xefi estadu Entretantu tuir planu renovasaun EE ho ninia durasaun hahú hosi oras 00:00 loron 05 setembru 2020 (sábadu) no termina iha oras 23.59 loron 04 outubru 2020 (domingu), iha territóriu nasionál tomak hodi suspende direitu balun ho parsialmente hanesan:

Dahuluk, ba sirkulasaun internasionál, sei estabele kontrolu sanitáriu iha portu, aeroportu ka postu fronteira terrestre atu impede moras ne’e tama mai territóriu nasionál ka kondisiona observánsia kondisaun nesesáriu hodi evita risku propagasaun epidemia, nune’e mós toma medida nesesária asegura sirkulasaun internasionál ba sasán no serbisu esensiál.

Daruak, liberdade sirkulasaun no fixasaun rezidénsia ba kualkér pontu iha territóriu nasionál, sei lidera hosi autoridade públika sira hodi bele redús risku kontájiu no ezekuta medida prevensaun no kombate epidemia, inklui konfinamentu kompulsivu domisíliu.

Datoluk, direitu rezisténsia, kualkér aktu rezisténsia ativa ka pasiva hosi autoridade públika kona-ba ezekusaun EE.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items