Asuntu ne'e hato'o husi Exbaixadór EUA nian iha TL, Kathleen Fitzparck bainhira realiza sorumutuk ida ho Sekretáriu Estádu Joventude no Desportu (SEJD), Abrão Saldanha hodi koalia kona-ba kooperasaun servisu entre parte rua ba futuru iha área desportu ba futuru.
Embaixadóra Estadus Unidus Amériak (EUA), Kathleen Fitzpatrick hatete, nia ho ekipa hasoru malu ho sua-exelénsia sekretáriu estadu Saldanha, hodi esplika kona-ba EUA nia programa oinsá atu fó tulun ba juventude sira iha Timor-Leste.
“Ami koalia kona-ba oportunidade koolaborál ho sekretáriu estadu ho nia ekipa, no ami iha programa dinámiku atu apoiu joventude sira importansia iha aprende Inglés", hatete Embaixadóra EUA, Kathleen Fitzpatrick iha SEJD, Lecidere Díli, kinta (03/09).
Embaixadóra ne'e hatutan, sira mós iha oportunidade programa interkambiu kona-ba desportu nian hodi oferese ba estudante no joventude timoroan sira ne'ebé iha kompeténsia hodi partisipa iha programa desportu ba ema ho difisiénsia.
Nia sente orgullu tanba EUA iha programa hodi apoiu ba joventude sira iha TL ligadu ho inisiativa aprende hosi sira hodi iha abilidade apoiu ba dezenvolvimentu rai RDTL.
“Hau orgullu tebes programa EUA nian iha TL, no hau orgullu tebes ba joven timoran sira nia inisativu, entujiazmu, abílidade aprende no abilidade atu apoiu sira nia nasaun Timor-Leste”, dehan nia.
Abrão esplika, sorumutuk ne'e sira halo diskusaun posibilidade kooperasaun sira ne'ebé atu hala'o hamutuk ho Amérika, no sira atualiza ba sekretáriu estádu kona-ba programa sira ne'ebé EUA iha ba área juventude no desportu.
Nia dehan, iha sorumutuk ne'e, sira diskute mós posibilidade kooperasaun sira iha futuru ne'ebé sei halo ho EUA liu-liu seitór joventude nian oinsá bele hetan asistensia husi Embaixada Amerika bele apoiu ita nia sentru juventude sira no programa sira seluk hanesan agora sira apoia inisiativa hodi halo kompetisaun ba lee no halo sumáriu nasionál.
“Inisiativa sira hanesan ne'e mak ami oferese ba estadu unidus amerika atu bele ajuda, no seluk tan mak kona-ba posibilidade dezeñu programa sira ne'ebé EUA atu halo iha TL bele inklui seitór juventude nian liu-liu iha área agrikultura no turízmu”, dehan SEJD," Abrão Saldanha.
Nia esplika, diskusaun ida ne'e sira foin hahú, depois sei iha ekipa ida ne'ebé maka sei diskute liu tan entre parte rua hodi esplora posibilidade saida mak ita bele koopera ba oin iha área desportu.(*)