Login to your account

Username *
Password *
Remember Me

Governu Ezonera Estrutura AACTL

Ministru Prezidénsia Konsellu Ministru (MPKM) Fidelis Manuel Leite Magalhães Ministru Prezidénsia Konsellu Ministru (MPKM) Fidelis Manuel Leite Magalhães Foto Tempo Timor

Tempotimor (Dili)-VIII Governu Konstitusionál liuhusi reuniaun Konsellu Ministru (KM) deside ezonera estrutura Administrasaun Autoridade Aviasaun Sivíl Timor-leste (AACTL).

Ministru Prezidénsia Konsellu Ministru, Fidelis Leite Magalhães hateten, projetu rezolusaun ne'ebé hetan aprovasaun husi Konsellu Ministru atu ezonera estrutura AACTL ne'e aprezenta husi Ministru Transporte Komunikasaun (MTK), José Agostinho da Silva.

"Konsellu Ministru aprova projetu rezolusaun kona-ba nomeasaun membru Konsellu Administrasaun Autoridade Aviasaun Sivíl Timor-Leste (AACTL) nian ba períodu tinan 2020 to’o 2024 nian, no ezonerasaun ba membru anteriór Konsellu Administrasaun", dehan Fidelis, iha Palasiu Governu, Kuarta (2/9).

Ezonerasaun ba estrutura ne’e bazeia ba avaliasaun servisu no objetivu atu hadi'a di'ak liután servisu AACTL nian iha Timor-Leste.

"Tanba razaun tékniku presiza halo mudansa, nune'e aviasaun sivíl iha Timor la'o dia'k", tenik nia.

Nune'e, Eusébio Freitas nomeia ba kargu nu’udár Prezidente Konsellu Administrasaun ba organizasaun ne’ebé iha misaun atu garante sistema seguransa transporte aéreu.

Ba kargu vogál sira Konsellu Administrasaun AACTL nian nomeia Domingos Savio de Jesus Sarmento, liuhusi proposta MTK no Geovanio M.R. Hei Henrique, liuhusi proposta Ministériu Finansas nian.

Alende ne'e, Konsellu Ministru mós aprova projetu rezolusaun governu, kona-ba nomeasaun ba membru Konsellu Administrasaun Aeroportu no Navegasaun Aérea Timor-Leste E.P (ANATL) ba períodu tinan 2020 to’o 2024 nian, José Trindade da Cruz Pinto, nomeia ba kargu nu’udar Prezidente Konsellu Administrasaun empreza públika ne’ebé responsavel ba jestaun no administrasaun servisu públiku aeroportu no navegasaun aérea hodi apoiu ba aviasaun sivíl iha Timor-Leste.

Kargu vogál sira Konsellu Administrasaun ANATL nian nomeia Lurdes Gomes no Eusébio da Costa Lopes, liuhusi proposta MTK nian, Veríssimo Nai Sai, liuhusi proposta Ministériu Finansas nian no José de Oliveira Leong, liuhusi proposta traballadór sira nian.(*)

Rate this item
(0 votes)
Last modified on Thursday, 03 September 2020 10:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter