Deputadu CNRT Konsidera TL Sai Ona Nasaun Ditadura

Tempotimor (Dili)-Vise Prezidente Bankada CNRT iha Parlamentu Nasionál Patrocino Fernandes konsidera, Timor-Leste sai ona hanesan nasaun ditadura, tanba estadu lori fali forsa hodi serku no hatauk ema.

Deputadu CNRT hatoo kestaun nee relasiona ho prezensa membru F-FDTL iha area Sede Nasional grupu Rezistensia Nasional Defende Justisa no Konstituisaun RDTL (RNDJ-KRDTL) iha Bairo Formoza, iha Tersa (01/09).

Deputadu Bankada CNRT ne'e dehan, hanesn reprezentante povu lamentavel ba relidade ida ne'e, tanba nasaun ida ne'e nuudar nasaun demokratiku no laos nasun ditadura.

"Hau hanoin buat akontesimentu sira hanesan ne'e lamentavel uitoan tanba ita pais demokratiku, bainhira ita uza ona forsa hodi serku ita-nia sidadaun ne'e rasik, ne'e triste boot ba ita-nia pais hanesan pais demokratiku," dehan Patrocino iha Parlamentu Nasional, Kuarta (02/09).

Tuir nia, asaun F-FDTL nee sei hatauk ema atu halo kontrolu sosial ba estudau nia lalaok. Tanba, nia dehan, estadu hatudu ona imajen ne'ebé ladun diak ba nasaun, hanesan nasaun demokratiku.

Hahalok hanesan nee, nia afirma, so uza iha nasaun ditadura, maibé hanesan nasun demokrátiku labele uza lala'ok ida ne'e.

"F-FDTL nu'udar lutu nasaun nian, loloos nee F-FDTL ninia papel mak atu haree seguransa ba ninia povu rasik, neduni hanesan povu hotu-hotu iha dever, iha direitu atu ezije sira-nia vida ne'ebé seguru, tantu ba F-FDTL no PNTL, i instituisun rua ne'e iha obrigasaun konstituisional atu garante seguransa ba ninia povu, i atu buka oinsa mak povu ida ka kualker sidadaun Timor-Leste ida labele sente moris fali iha presaun nia laran iha ninia nasaun rasik," dehan nia.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30          

Tempo Timor Networks

Online Counter