JSMP Konsidera Deputadu Sira Menus Kapasidade Halo Lei

Kooredenadór ba Unidade Observasaun Parlamentu Nasionál José Pereira ko'alia hela ho jornalista www.tempotimor.com, ohin (01/09) Kooredenadór ba Unidade Observasaun Parlamentu Nasionál José Pereira ko'alia hela ho jornalista www.tempotimor.com, ohin (01/09) Foto Tempo Timor

Tempotimor (Dili)-Deputadu sira ne’ebé mai husi polítika sai dezafiu boot tanba barak maka laiha koñesimentu kona-ba lei. Ne’e duni, durante ne’e difisil ba sira atu halo lei ruma.

Koordenadór ba Unidade Observasaun Parlamentu Nasionál husi JSMP, José Pereira hateten, Parlamentu Nasionál presiza tau importánsia uluk atu halo eskritóriu, inklui hasa'e kapasidade rekursu umanu hanesan aumenta asesór legál iha área espesialista halo lei duke kria uluk uma ba deputadu sira.

"La'ós sira la halo (Lei), maibé ita sukat mós sira-nia kapasidade, hanesan iha asesór lega sira iha ita-nia Parlamentu Nasionál mós menus, inklui koñesimentu ita-nia deputadu sira kona-ba halo lei ne'e menus,” tenik nia, iha nia knaar fatin, JSMP, Kolmera, Tersa (1/9).

Tuir nia, mezmu buat ida halo lei ne'e la fasil, tanba ne'e presiza ema ne'ebé espesialista, ne’e duni presiza ema sira ne'ebé legalista mak bele interpreta polítika ba hodi sai lei.

Nune'e, JSMP rekomenda hadi’a mak fatin servisu tanba tuir observasaun JSMP iha PN, kada deputadu sira-nia dokumentu tau de'it iha meza plenária, enkuantu fatin kada komisaun mós kloot, nune'e afeta ba konsentrasaun kada deputadu sira, inklui laiha eskritóriu privadu ba kada deputadu sira hanesan iha nasaun seluk nian.

"Ami rekomenda la’ós fatin ka uma ba deputadu sira atu hela, maibé foku uluk ba fatin fasilidade deputadu sira atu servisu, hanesan eskritóriu atu foku ba servisu," dehan José.

Nia esplika durante JSMP nia monitorizasaun, kada sesaun lejizlativa Parlamentu Nasionál laiha programa nasionál atu halo lei maibé proposta lei barak liu mak mai husi governu.

"Projetu lei husi Parlamentu Nasionál rasik menus, ne'e mak ami sempre rekomenda ba sira para kada lejizlativa ida tinan liman ne'e sira tenke iha planu ida, presiza identifika lei importante sira iha tinan liman," dehan José.

Entretantu, tuir dadus husi JSMP, deputadu sira iha V lejizlativa foin mak halo lei Medida Prevensaun no Kombate Korrupsaun, restu ne'e alterasaun de'it hanesan Lei Fundu Petrolífera, Transferénsia Fundu Petrolíferu Estraordináriu no Medida deklarasaun Estadu Emerjénsia, enkuantu lei seluk ne'ebé sei pendente mak Lei Eleisaun ba Asembleia Munisípiu no Lei Desentralizasaun Admistrativa. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks