Print this page

Posibilidade Ohin PR Lú Olo Husu Lisensa ba PN Estende EE

By September 01, 2020 2238
Xefe Estadu Francisco Guterres Lú-Olo lidera hela reuniaun Konsellu Estadu iha Palásiu Prezidensiál bairru-pite Xefe Estadu Francisco Guterres Lú-Olo lidera hela reuniaun Konsellu Estadu iha Palásiu Prezidensiál bairru-pite Foto Supply

Tempotimor (Dili)-Hafoin remata enkontru entre Konsellu Superiór Defeza no Seguransa (KSDS) no Konsellu Estadu (KE), Segunda (31/8), horisehik, rekomenda ba Prezidente Repúblika (PR), Francisco Guterres Lú Olo, atu husu lisensa ba Parlamentu Nasionál (PN) hodi bele dekreta tan Estadu Emerjénsia ba loron 30.

Tuir Xefe Kaza Sivíl Palásiu Prezidensiál, Francisco Maria de Vasconcelos, KE no KSDS apoiu aplika tan EE ba fulan-Setembru.

"Sira (KS no KSDS) rekomenda ba Prezidente Repúblika (PR) hodi hato'o pedidu governu nian ba Parlamentu Nasionál (PN) hodi diskute depois aprova no haruka fali mai para Prezidente Repúblika dekreta," dehan Xefe Kaza Sivíl, ba jornalista sira, iha Palásiu Prezidensiál, Bairru-Pité, Tersa (01/09)

Nia mós dehan, pedidu governu nian ba PN, kleur liu to'o aban.

"Se lalais liu ohin, se lae aban mak PR haruka pedidu governu nian ba PN," nia tenik.

Entretantu, hanoin sira ne'ebé husi KE no KSDS diskute kona-ba EE dalimak nian, labele públika ba públiku, tanba lei la fó dalan hodi divulga sai. Maibé KE no KSDS apoiu hodi aplika nafatin EE. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items