Print this page

PM Taur: Kaer Ukun Diak ka Aat, Povu Mak Avalia

By August 29, 2020 2100
Palasiu Governu Timor Leste Palasiu Governu Timor Leste

Tempotimor (Dili) - Primeiru Ministru (PM), Taur Matan Ruak esklarese, governu ne'ebé kaer ukun hatudu rezultadu di'ak ka la di'ak povu mak halo avaliasaun kada tinan 5 liuhusi eleisaun.

Iha serimónia tomada de pose ba Komisáriu Fausto da Silva 'Liurai Tasi' ne'ebé atu kompletu ekipa Funsaun Públika nian, Xefe Governu esplika, ho rekursu hirak ne'ebé daudaun iha bele fó kontribuisaun ba dezenvolvimentu hodi garante ba bem estar povu nian, di'ak ka aat povu mak fó avaliasaun.

"Komisaun Funsaun Públika asumi papél importante ida iha dezenvolvimentu funsionalizmu públika nasaun nian. Esperiénsia tinan 11 buat barak ita halo ona mas buat barak mak presiza halo tan, tanba realmente torna ita-nia funsionalizmu administrasaun públika ida mas kompetente ba bem estar prestasaun servisu sidadaun sira nian", dehan PM Taur, iha Palásiu Governu, Sesta (28/08).

Primeiru Ministru hatutan, avaliasaun naturalmente povu mak sei halo kona-ba saida mak halo di'ak no saida mak halo aat, ida ne'e kada tinan lima povu halo ba performa empeñamentu ba kontribuisaun dedikasaun kada governu ida nian atraves servisu governu nian.

Dezafiu boot ida ne'ebé tránzita governu mak projetu boot reforma administrasaun públika ka reforma ne'ebé atu loke luan Estadu iha aspetu hotu-hotu.

"VIII governu iha dezafiu barak iha tinan hira ne'e nia-laran no restu mandatu ne'ebé iha sei empeña makaas liután servisu ho ita boot sira hotu para hala'o reforma sira ne'ebé iha", afirma Xefe Governu.

Nune'e, governu haree área ne'ebé tau matan mak, área dezenvolvimentu institusionál, lejizlasaun, finansas públika no dezentralizasaun. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items