Akademísta husi Universidade Nasionál Timor Lorosa'e (UNTL), Camílio Ximenes Almeida konsidera durante TL ukun an, dezenvolvimentu sei dolar hanesan lenuk.

Camilio hato’o kestaun ne’e bainhira sai oradór dahuluk iha semináriu ne'ebé realiza husi estudante departamentu dezenvolvimentu komunitáriu kona-ba tinan 21 Konsulta Popular no tinan 18 governasaun TL nian.

Tuir nia, dezenvolvimentu iha TL la’os la la’o, maibé la’o neneik liu ka bolu dehan dolar de’it.

“Dola kerdijér ke hanesan lenuk ne'ebé mak la'ó. Tanba ita haree katak dezenvolvimentu konsentra iha area urbana de’it,” dehan Camílio iha Kampus UNTL, Kaikoli, Sesta (28/08).

Nia dehan, durante ne'e dezenvolvimentu barak liu lao iha Díli, iha Baukau maibé iha parte sidade laran de’it.

“Kuandu ita laó iha luron sira ne'e, dala-ruma buat ida ita nunka haree, liu-liu infra-estrutura, estrada sira ne'ebé mak povu sira labele asesu ho di'ak.”

“Bee-moos ne'ebé agora laiha, ne'e sai hanesan problema ita nian ne'ebé mak ita presiza tenke koalia,” dehan nia.