SEFOPE hatete, kazu hirak ne'ebé akontese tanba situasun ida agora ne'e situasun ne'ebé sériu duni.

Tanba, tuir nia, iha momentu ne'ebé Timor-Leste implementa lockdown ne'e traballadór barak mak tenke lakon sira-nia servisu tanba kompañia laiha osan atu selu sira.

"Afeta husi kazu Covid-19 ne'ebé mosu, entaun SEFOPE mós konsege simu kazu barak, traballadór balun ema hasai, balun ema hataan fila-fali servisu, ida ne'e maka kazu sai barak," dehan SEFOPE Alarico, ba jornalista iha edifisiu MNEK, Pantai Kelapa, Kinta (27/8).

Nia afirma, kazu laboral husi kompañia sira ne'e tama loron-loron, kazu ne'e barak tanba razaun lockdown ka Estadu Emerjénsia durante ne'e afeta kompaña barak hanesan ema estranjeiru tenke fila ba sira-nia rai, kompañia iha rai-laran mós iha situasaun ida hanesan ne'e, ninia negósiu tun-sa'e no labele la'o di'ak.

"Hau labele dehan detallu kona-ba kazu hira, maibé kazu ne'e ami simu barak, tanba difikulta husi EE, dadus konkretu loloos ne'e tékniku sira mak hatene," dehan nia.

Mezmu nune'e, Alarico afirma, durante ne'e SEFOPE mós obrigasaun tun ba haree no (flow-up) ba situasuan ne'e liuhusi mediasaun, sira ne'ebé hetan problema ne'e sira ba keixa iha diresaun nasionál traballu, hodi bele hetan  mediasaun ba sira-nia problema. (*)