Login to your account

Username *
Password *
Remember Me

La'o Hamutuk Konsidera Governu "Halimar" ho Povu Nia Vida

Peskizador La'o Hamutuk Celestino Gusmão Pereira. iha nia kna'ar fatin (26/8) Peskizador La'o Hamutuk Celestino Gusmão Pereira. iha nia kna'ar fatin (26/8) Foto Tempo Timor

Tempotimor (Dili) - Peskizadór La'o Hamutuk (LH), Celestino Gusmão Pereira, konsidera Governu halimar ho povu nia vida, tanba durante ne'e halo impedimentu ba dezenvolvimentu setór sosiu-ekonómiku ne'ebé atu fasilita moris populasaun sira-nian.

"Ita tenke hatene katak Timor-Leste agora ne'e la'o oinsá, situasaun atuál maka ita-nia mal nutrisaun króniku, kuaze laiha alterasaun iha hela nafatin, ita sofre dezempregu ida ne'ebé boot tebetebes mas laiha alterasaun, ita kiak, multi-dimensionál ne'ebá ita iha setór saúde, edukasaun, bee no saneamentu, ai-han buat sira ne'e hotu, ita iha problema," dehan nia ba www.tempotimor.com, iha nia knaar fatin Bebora, Kuarta (26/8).

Peskizadór ne'e afirma, realidade ne'ebé Timor-Leste enfrenta maka hanesan sosiedade sivíl sempre fó sujestaun saida maka atu bele hadi’a.

Nia esplika, bainhira povu nia edukasaun, saúde, bee moos mak la di’ak, entaun investimentu ba ida ne'e tenke iha ona no labele pendente tanba ne'e ba moris povu nian.

"Buat ne'ebé labele tunda mak ema-nia moris. Ezemplu ema-nia saúde, ema-nia nutrisaun labele adia ba tempu naruk, karik estrada no aeroportu sira ne'e bele adia, maibé ema-nia moris labele adia," dehan nia.

Tanba ne'e, nia husu ba governu atu bele tau kestaun hirak ne'e iha Orsamentu Jerál Estadu (OJE) 2021 atu bele responde ba setor hirak ne'e.

"Ha'u hanoin di'ak liu ita levanta kestaun ne'e hahú hamutuk iha Orsamentu Jerál Estadu 2020, atu bele reforsa di'ak liután oinsá bele atinji objetivu moris di’ak ba povu, proteje ita-nia povu,"dehan nia. (*)

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="/" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Rate this item
(0 votes)
Last modified on Thursday, 27 August 2020 13:32
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter