"Kona-ba dezenvolvimentu ba fatin turizmu sira ami prevé orsamentu ba 2021 nian, ami sei reabilita de'it eis-prizaun Aipelu no Muzeu Nasionál, tanba muzeu nasionál ne'e ninia funsaun importante loos, tanba atu halo prezervasaun no konservasaun ba patrimóniu istóriku sira ne'e ita aselera, maibé depende ba Parlamentu Nasionál (PN)," dehan Sekretáriu Estadu Teofilho, ba jornalista sira iha UNTL, Tersa (25/8).

"Ami prevé orsamentu ba Muzeu Nasionál ne'e hamutuk tokon US$ 2 ne'ebé tuir kestaun ne'ebé parte enjeñeiru sira hato'o mai," nia tenik.

Entretantu, sees husi reabilitasaun ba eis-prizaun Aipelu no Muzeu Nasionál, ne'ebé prioridade ba tinan 2021 nian governu mós konsege identifika ona fatin barak ne'ebé sai hanesan fatin turizmu no kulturál.

"SEAK liuhusi diresaun patrimóniu kulturál ita iha ona dadus kona-ba fatin turizmu no kulturál ne'e ita iha ona dadus, maibé ne'e kestaun polítiku, ne'ebé ita-boot sita bele ba konfirma direta diretór jerál," nia dehan. (*)