"Funsionáriu nivel um ho kuatru hahú iha 2000 agora alojamentu seidauk hetan, deputadu balun foin mai seidauk to'o tinan lima hetan kedas ona alojamentu, ne'e la loos, injustisa ne'ebé boot liu iha Timor mak ida ne'e", dehan nia, iha knaar fatin kampus, FCS, Kaikoli, Tersa (25/08).
Tuir nia, membru PN manan ona saláriu boot, hetan karreta gratuita, mina gratuita depois hetan tan osan alojamentu, maibé funsionáriu públiku ne'ebé agora ho nivel um ho dois hetan saláriu US$ 115 de'it, subsídiu laiha, ne'e injustisa no egoísta.
"Sira nonook-nonook aprova lei para karreta ne'ebé sira uza tinan lima depois sira mak hetan tan, depois ho razaun oioin, ne'e sira la baku malu ida, meza Parlamentu la baku fila ida, ba ida ne'e opozisaun sira mós la ko'alia ida tanba sira mós goza ne'e, sai lideransa no polítika na'in iha Timor mak hanesan ne'e, koitadu ita atu lori Timor ne'e ba ne'ebé", tenik nia.
Tanba ne'e, membru Parlamentu Nasionál ba hanesan reprezenta povu presiza hanoin povu.
"Osan ba mina ho pulsa sira tenke hetan maibé, se sira mak brani hanoin povu atu terus ho povu entaun halakon tiha subsídiu ida alojamentu ne'e," dehan Júlio.
Nune'e, vise-dekanu FCS-UNTL ne'e husu ba membru PN sira tenke konxiente katak, ukun aan Timor-leste ne'e povu hotu luta, labele hanoin ba aan de'it. (*)
HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.
<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>