Laiha Konfiansa Politika, MPM Halo Restruturasaun ba Kargu ANPM, IPG no Timor Gap

Ministru Petroleu no Minerais (MPM) Victor da Conceição Soares ko'alia hela ho jornalista www.tempotimor.com iha nia knaar fatin, segunda (24/08) Ministru Petroleu no Minerais (MPM) Victor da Conceição Soares ko'alia hela ho jornalista www.tempotimor.com iha nia knaar fatin, segunda (24/08) Foto Tempo Timor

Tempotimor (Dili)-Ministru Petróleo no Minerais Victor da Conceição Soares hatete, mudansa restruturasaun ne'ebé nia parte halo ba Autoridade Nasional Petróleo no Minerais, Institusaun Petróleo Geologia no Timor Gap.ep hanesan parte mudansa tamba laiha konfiansa Politika.

Victor hatete lia hirak ne'e ba www.tempotimor.com iha nia knar fatin Mandarin Dili, Segunda (24/08).

“Iha partisipasaun ne'e membru governu sira ne'ebé tama, ho hanoin balun ne'ebé tenki halo ajustamentu. Ajusta balun mak iha Ministéru ida ne'e, ita hatene katak tenki halo restruturasaun tamba hanoin katak buat ida eransa ka konfiansa politika laiha ita tenki halo restruturasaun, ho objetivu ida katak kontinua nafatin ho projeitu ne'ebé lao tenki lao nafatin, i ita presijamente tenki halo restruturasaun hodi halo ajustamentu," dehan Victor.

Governante ne'e akresenta, Fretilin nia involvementu iha VIII governu konstitusional liu husi Intendementu ida atu garante kontinuasaun VIII governu konstitusional mantein lao ba oin to'o mandatu remata 2023.

Maibe Fretilin nia prejensa mos lori efeitus ka mudansa balun tuir Fretilin nian ne'ebé ke ajusta mos ho VIII governu konstitusional.

"Hau hanoin jatamente ida ne'e duni, katak ida ne'e hatudu katak tenki halo mudansa balun iha ne'ebá, atu nune'e bele halo los buat balun ne'ebé durante Fretilin hare'e katak ladun lao diak ou ladun lao los, Tamba ita hatene katak dirijentes balun ne'ebé ke lao la los, tinan barak iha ne'ebá depois politika ka orientasaun ne'ebé ita hotu akonpanã katak ne'e Fretilin la konfia entaun ita tenki tau ema ne'ebé tuir Fretilin nian hanoin katak ema ne'ebé iha tenki kapasidade, intelectual, abilitasaun ritelaria ne'ebé forte depiois esperensia Profesional iha área industrial petrólifeiras ne'ebé tenki forte i ne'e jatamente tamba ne'e mak halo mudansa sira ne'e," dehan Victor.

Governante ne'e akresenta mudansa radialmente tuir publiku nia prekupasaun hanesan ne'e la los, tamba Victor konsidera presija fo oportunidade ba Timor oan sira ne'ebé iha abilidade intelektual, professional iha area Industrial Petrólifeira tamba Tuir Victor konsidera Tinan barak ona laiha mudansa ne'ebé signifikante.

"Kuandu iha mudansa oituan ne'e dehan radikal, la muda karik dehan la radikal, purtantu ne'e hanoin ne'ebé la los, ita tenki kria kondisaun para timor oan hotuhotu ne'ebé iha esperensia Profesional ne'ebé diak ne'e ita tenki promove, fo oportunidade ba nia halo took, keta halo bele halo buat ne'ebé diferente diak liu karik, tamba ema iha ne'ebá ke tinan barak nian laran ita haree hanesan Marka passu hela deit," dehan Victor.

Antes ne'e, mudansa restruturasaun ne'ebé Ministeiru Petróleo i Minerais halo hanesan restruturasaun ba Prezidenti Autoridade Nasional Petróleo i Minerais Gualdino da Silva subtitui husi Prezidenti ANPM atual Florentino Mateus Soares Freitas, Prezidenti Timor gap sesante Francisco da Costa Monteiro subtitui husi António Loiola Sousa i Prezidenti IPG foin Gabriel Aparício subtitui Prezidenti Sesanti Hélio Casimiro Guterres.

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

 

<iframe width="560" height="315" src="/" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Rate this item
(0 votes)
Last modified on Monday, 24 August 2020 16:37
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter