Ângela: TL Ukun Aan La'ós Lere Mesak Mak Luta

Xefe Estadu Maiór Jerál F-FDTL Maijór Jenerál Lere Anan Timur Xefe Estadu Maiór Jerál F-FDTL Maijór Jenerál Lere Anan Timur Foto Supply

Tempotimor (Dili) - Relasiona ho deklarasaun Xefe Estadu Maiór Jerál F-FDTL, Majór Jenerál Lere Anan Timur katak, Ángela Freitas mosu de'it iha tempu krize de'it.

Deklarasaun ne'e halo Ángela Freitas 'tilun-tahan mean', nune'e nia responde katak Timor-Leste ukun-aan la'ós Lere Anan Timur mesak mak luta.

Lia-hirak ne'e Ângela Freitas espresa iha Komandu Jerál PNTL, Kaikoli, bainhira hasoru malu ho kamandu hodi husu lisensa ba manifestasaun hasoru Prezidente Repúblika (PR), Segunda (24/08).

"La'ós ona tempu para lori forsa hodi ameasa sidadaun. Tanba ne'e, ami lamentavél ba deklarasaun Jenerál Lere nian, tanba la'ós Jenerál Lere Anan Timur de'it mak luta ba rai ida ne'e. Ita tomak luta no partisipa hotu iha luta ne'e, maun-alin familia barak mós mate iha prosesu luta ne'e, ne'ebé ita labele uza ita-nia forsa ka uza farda militar hodi ameasa sidadaun sira, liu-liu polítiku na'in sira," dehan nia.

Nune'e, Ángela husu ba Jenerál Lere atu lalika mete polítika, tanba lei la fó dalan atu militár komenta kona-ba polítika.

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="/" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

 

"Ha'u hanoin Lere hanesan jenerál ida, nia labele mete polítika, tanba lei la fó dalan, la'ós mai fali ho forsa para halo presaun ba sidadaun sira ne'ebé livre hodi espresa sira-nia hanoin kona-ba situasaun ne'ebé la'o la loos iha ita-nia rai ne'e," tenik nia.

Nia esplika, kualkér situasaun ne'ebé viola Konstituisaun RDTL, entaun sidadaun hotu-hotu iha direitu atu defende.

"Ezijensia ne'e la'ós grupu nian, ne'e povu. Tanba ne'e, mak asinatura ne'ebé ami rekolla ne'e kuaze rihun 188, no sei rekolla tan, ne'ebé pur-volta rihun 300, ne'ebé ida ne'e la'ós grupu, maibé povu, ita hasoru povu, tanba ita ko'alia kona-ba direitu ne'e konsagra tiha ona iha konstituisaun RDTL," nia subliña.

Entretantu, liga ba deklarasaun PR Lú-Olo nian ne'ebé dehan, sidadaun labele obriga xefe estadu rezigna aan ne'e, Ángela dehan PR hanoin aan de'it.

Prezidente Repúblika dehan la hakerek iha konstituisaun katak sidadaun ida husu rezignasaun Prezidente Republika, maibé tuir Ângela, Prezidente ko'alia de'it husi ninia parte, povu nia interese PR la ko'alia, entaun ukun tenke halo tuir konstituisaun. (*)

PUBLISIDADE HUSI MOP FO PARABENS BA LORON FALINTIL

Rate this item
(2 votes)
Last modified on Monday, 24 August 2020 18:02
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks