Akademista ne'e dehan TL monu ba krize hahú 2017 to'o 2018 inklui 2020, ne'ebé la'o de'it ho Dotasaun Orsamentu Temporáriu (DOT) halo ekonomia rai laran tuun no dezenvolvimentu sai paradu.
"Agora ne’e ita grave maibé, la iha asaun ida ne’ebe governu foti, entaun ita hakarak OJE 2020 no 2021 tenke pasa, intrese partidaria ho oportunidade atu ukun ne’e buat ketak ida, maibé kuandu hanoin ba dezenvolvimentu nasionál, tenke ho hanoin ida, se de’it mak ukun orsamentu tenke pasa par dezenvolvimentu la'o ba oin atu di'ak ba nasaun no povu," Alfredo hatete iha nia knaar fatin Kampus UNDIL Maskarinas, Sábadu (23/08).
Nia dehan, durante ne'e OJE mak apoiu governu hodi halo dezenvolvimentu, tanba ne'e OJE 2020 no 2021 tenke pasa.
"La iha dalan seluk ba ita, tanba durante ne'e ita dependensia ba orsamentu jerál estadu. Laiha seitór ne'ebé atu ajuda dezenvolvimentu, tanba ne’e, se orsamentu la pasa ita labele halo buat ida," Nia akresenta.
Akademista ne'e subliña, dezenvolvimentu hotu-hotu atu la'o tenke iha OJE, tanba durante tinan lubuk ne'ebé la'o ho DOT mak labele halo dezenvolvimentu, maibé asegura de'it ba mákina estadu.
PUBLISIDADE HUSI MOP FO PARABENS BA LORON FALINTIL