Login to your account

Username *
Password *
Remember Me

Lere Husu 20 Agostu Sai Loron Nasionál, Meta-Mali: Tenke Rekoñese Duni

Ministru Asuntu Kombatentes Libertasaun Nasionál (MAKLN) Julio Sarmento "Meta Mali" ko'alia hela ho jornalista sira iha Kuartel Jerál Fatuhada Dili, Kinta (20/08) Ministru Asuntu Kombatentes Libertasaun Nasionál (MAKLN) Julio Sarmento "Meta Mali" ko'alia hela ho jornalista sira iha Kuartel Jerál Fatuhada Dili, Kinta (20/08) Foto Tempo Timor

Tempotimor (Dili)-Relasiona ho deklarasaun Xefe Estadu Maiór Jerál F-FDTL Maijór Jenerál Lere Anan Timur nian ne'ebé husu ba governu atu konsidera 20 Agostu nu'udar loron Nasionál Timor-Leste nian, mak Ministru Asuntu Kombatentes Libertasaun Nasionál (MAKLN) Julio Sarmento "Meta-Mali" dehan tenke rekoñese duni, tanba husi loron ne'e mak Timor-Leste hetan naroman.

“Hakarak ka lakohi tenke konsidera, tanba 20 Agostu maka hahú depois hodi lori mai ita to'o hetan vitória”, hatete Ministru Julio Sarmento “Meta-Mali”, ba jornalísta sira, hafoin komemora aniversáriu Falintil ba dala 45 iha Kuartel Jerál F-DFTL, Fatuhada (20-08).

Governante ne'e dehan, liuhusi 20 Agostu 1975 maka ema hahú hatete katak mate ka moris ukun-rasik aan.

“Mate, mate duni ona, moris mai to'o hetan imi sira ne'e bele halo perguntas ba ami”, hatete nia.

Nia dehan, "ohin la sala ita rona iha Jenerál Lere nia diskursu katak, bainhira ko'alia Falintil, labele haluha Fretilin, tanba iha tempu ne'ebá iha buat rua de'it, Fretilin ho Falintil no ohin ita komemora ona ba dala 45 iha nia ezisténsia," dehan Meta Mali.

Eis gerilleiru ne'e afirma, atu valoriza 20 Agostu sai loron nasionál, responsábilidade mai husi governu tomak nian, liu-liu ministru asuntu kombatentes libertasaun nasionál no ministru defeza mak atu foti ketsaun ne'e iha konsellu ministru depois hetan aprovasaun, nune'e data ne'e bele sai data nasionál.

PUBLISIDADE HUSI MOP FO PARABENS BA LORON FALINTIL

Rate this item
(0 votes)
Last modified on Monday, 24 August 2020 08:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« August 2022 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks

Online Counter