Print this page

Taur Moras, Eis-Vise Komandante Em Xefe Auzente iha Komemorasaun Loron FALINTIL

By August 20, 2020 4051
Jenerál Taur Matan Ruak atuál Primeiru Ministru (PM) VIII Governu Konstituisionál Jenerál Taur Matan Ruak atuál Primeiru Ministru (PM) VIII Governu Konstituisionál Foto Facebook

Tempotimor (Dili) - Komemorasaun loron Forsa Armada Libertasaun Nasionál Timor Leste (FALINTIL) ba dala XLV, la marka prezensa husi eis-Vise Komandante Em Xefe das FALINTIL, Taur Matan Ruak, tanba kondisaun saúde la permite.

Lia hirak ne'e hato'o husi Ministru Prezidénsia Konsellu Ministru (MPKM), Fidelis Leite Magalhães, hafoin remata serimónia komemorasaun loron FALINTIL ba dala XLV, iha Kuartél Jerál F-FDTL, Fatuhada, Dili, Kinta (20/80).

"Primeiru Ministru (PM) iha impedimentu oituan, tanba sente moras oituan ne'e mak la mai," dehan nia.

Fidelis dehan, maski Xefe Governu la marka prezensa, maibé membru governu sira partisipa hotu.

"Elenku governamental husi VIII Governu partisipa másimu hodi fó apresiasaun ba sakrifísiu ka luta ne'ebé asswa'in FALINTIL halo iha tinan 24 nia-laran," tenik nia.

Alende husi PM Taur Matan Ruak ne'ebé la marka prezensa, Eis Komandante Em Xefe das FALINTIL, Kay Rala Xanana Gusmão, mós la marka prezensa iha komemorasaun ne'e, tanba sei halo hela asaun karidade ba povu Atoni Oekusi. (*)

 

PUBLISIDADE HUSI MOP FO PARABENS BA LORON FALINTIL

Rate this item
(0 votes)
Last modified on Sunday, 23 August 2020 20:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items