Login to your account

Username *
Password *
Remember Me

Governu Presiza Kria Lei Garante Futuru Veteranu

Akademista UNTL Victor Soares Akademista UNTL Victor Soares Foto Supply

Tempotimor (Dili) – Atu garante veteranu sira-nia kondisaun moris ho di’ak iha futuru, Governu Timor-Leste (TL) tenke halo lei ida hodi haree kona-ba problema moris ne'ebé veteranu sira hasoru, tanba liuhusi sira maka Timor-Leste ukun-aan.

Observadór polítiku husi Universidade Nasionál Timor Lorosa'e (UNTL), Víctor Soares hatete, desizaun Jenerál Lere nian klaru no lójika, tanba ne’e hanesan sansaun ida atu ba oin nasaun tenke valoriza nia ema sira, jeralmente sidadaun hotu-hotu tenke iha moris di’ak no hetan protesaun husi lei.

Nia dehan, artigu 11 iha Konstituisaun RDTL fó ona dalan atu proteje siadaun hotu bele moris di’ak, maibé espesifikamente ba veteranu sira ne'ebé uluk luta libertasaun nasionál, governu tenke halo dekretu lei ida hodi valoriza sira-nia luta.

“Entaun oinsá deputadu sira halo dekretu lei ruma para hodi fó ba governu hodi bele realiza no fó pensaun ba sira atu bele sente katak ukun-aan ba sira-nia terus durante tinan tinan 24 la saugati, no bainhira nia mate, nia-oan sira bele hetan, ho nune'e maka bele sente dehan valór ukun-aan ne'e iha”, hatete Víctor Soares, ba tempotimor.com iha nia knaar fatin, Kampus UNTL, Kaikoli, Kuarta (19/8).

Nia dehan, Estadu tenke valoriza duni ema sira ne'ebé luta ba libertasaun nasionál, hanesan veteranu sira husi frente tolu ninian mak armada, klandestina, no diplomátika no inklui mós lider Igreja Katólika sira ne'ebé uluk hatudu sira-nia kontribuisaun ba ukun-aan.

Tuir Víctor, rekoñesimentu Estadu nian primeiru tenke halo lei, fó medalla kondekorasaun, sertifikadu, no mós osan ruma atu ema bele hadi'a moris, tanba luta durante tinan 24 ema kontribui ba luta, lakon buat hotu, la hanoin ba sira-nia privadu, hanoin maka oinsá ukun-aan, hela iha ai-laran fuik, ai-kuak no fatuk-kauk, maibé depois ukun-aan sira laiha valór.

“Valorizasaun la’ós de’it medalla ho sertifikadu, maibé oinsá bele dezenvolve sira-nia vida moris, no sira sente katak sira iha valór, ho nune'e maka jerasaun foun ne'ebé ukun, estabilidade bele la’o ho di'ak”, nia fó hanoin.

Víctor hatutan, atu fó valorizasaun tenke bazeia ba dadus verifikasaun ne'ebé halo husi komisaun omenajen tuir nivel ida-idak nian, no bainhira iha ona dadus hakarak ka lakohi Estadu tenke toma atensaun tanba sira-nia idade mós komesa ba daudauk.

Nia husu ba governu liuhusi konsellu no ministériu veteranu ne'ebé iha ona atu aselera prosesu, nune'e maizumenus tinan 2025 to'o 2028 sira bele hetan ona valorizasaun ruma ho dignu husi Estadu.

“Ohin loron veteranu sira barak mak laiha ona, tanba iha ema balu ne'ebé hetan torturasaun ne'ebé fizikamente husi militár TNI, lori eletrisidade xoke, baku, entaun see estadu la valoriza ida ne'e, sira mate saugati de’it iha tempu ukun-aan”, dehan Víctor.

Entretantu, observadór polítiku husi UNITÁL, Alvaro da Silva haforsa, Estadu tenke tau prioridade ba veteranu sira, liuliu hadi'a sira-nia kondisaun moris uma-laran, tanba to'o oras ne'e barak mak sei kontinua moris terus no susar laran.

“Sira mak uluk luta ba rai ida ne'e hodi hetan ukun-aan, ema ne'ebé foin ukun tinan rua ka tolu de’it, hetan priviléjiu boot tebetebes”, dehan nia. (*)

 

PUBLISIDADE HUSI MOP FO PARABEMS BA LORON FALINTIL

Rate this item
(0 votes)
Last modified on Thursday, 20 August 2020 00:26
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter