Sekretariu Estadu Oan Soru hatete, ministériu ne'ebé trata asuntu veteranus iha programa lubuk ida ba veteranu sira.
"Ministériu iha planu, programa lubun ida, mais hau labele hatete programa sira ne'e ba ita-boot sira ohin kedas hodi promete, se lae governante ida ohin promete, aban la sai realidade, governante ne'e bosok-teen, tanba ne'e agora dadaun hau la promete, mais iha planu," dehan Oan Soru hafoin partisipa iha misa ba selebrasaun loron Falintil ba dala 45 iha Igreja Motael, Dili, Kuarta (19/08).
Tanba, nia dehan, maske iha programa no politika ba veteranu sira, maibé desizaun tomak iha orgaun estadu sira-nia liman.
"Orgaun estadu ne'e Prezidente Repúblika, Parlamentu Nasional, Governu no Institusaun Judusiariu, maibé importante liu atu ko'alia kona-ba politika mak iha Orgaun estadu tolu ne'ebé mak ha'u mensiona," dehan nia.
Nia hatutan, ministériu neebé tau-matan ba vetaranu sira iha duni programa neebé balun implementa hela, maibé balun seidauk tanba situasaun politika, orsamentu, no Covid-19.
"Maibé la signifika para ho ida ne'e, prosesu ita haree hamutuk, tanba orgaun laos deit Ministériu," dehan Gil.
PUBLISIDADE HUSI MOP FO PARABEMS BA LORON FALINTIL