PR Lu Olo deklara kestaun nee bainhira hatan kona-ba planu Parlamentu Nasionál atu harii uma ba deputadu no lamentasaun husi veteranu sira tanba konsidera mosu injustisa ba sira.

"Veteranu sira-nia uma seidauk iha duni, tenke halo, ne'e ha'u hatete de'it hanesan ne'e duni, seidauk iha duni, tenke fó dignidade ba veteranu sira," dehan Lú Olo ba jornalista sira hafoin partisipa misa agradesimentu loron Falintil ba dala 45 iha igreja Motael Dili, Kuarta (19/08).

Atu dignifika veteranu sira, PR Lú Olo dehan, sei halo liu husi politika ida.

"Liuhusi polítika ida atu oinsa mak harii uma ba veteranu sira par bele garante, pelumenus sira-nia restu vida ne'ebé mak sira sei iha ne'e," dehan Xefe Estadu nee.

Molok nee, Xefe Estadu Maior F-FDTL Maijór Jenerál Lere Anan Timur sente preokupa no laran kanek ba kondisaun moris veteranu sira.

“Veteranu sira 24 anos halo funu, laiha direitu ida, deputadu ida 5 anos ka 3 anos de'it, iha direitu ida ne'e, di'ak liu ita oho malu, duke ita moris iha terus nia leten,” dehan Lere.

PUBLISIDADE HUSI MOP FO PARABEMS BA LORON FALINTIL