“Konsellu Ministru liu husi Governu Timor Leste aprova ona orsamentu ho total US$ 1,000,000 atu fo apoiu ba Republika Mozambike ne’ebe enfrenta dezastre naturais," dehan Ministru Prezidensia Konsellu Ministru, Agio Pereira, foin lalais ne'e.
Mozambike ho Timor Leste membru nasaun Comunidade País da Lingua Português (CPLP) no durante tinan 24 TL nia rezistensia hodi luta ba ukun rasik-aan apoia maka’as tebes nune’e tempu ona apoia fali sira.
“Nu’udar Nasaun amigo Ho amizade, ida ne’e bele fasilita nesesidade povu Mozambike nian,” tenik Agio.
Dezastre Siklon ne’ebe akontese iha sidade Beira oho ema liu 450 hakanek ema besik 1.700, estraga sasan barak no husi hela ema atus mak sai dezalozadu.