Serteza Ona, 28 Agostu, Àngela Obriga PR Lu Olo sai husi Palasiu Prezidensiál

Ángela Freitas Ángela Freitas Foto Facebook

Tempotimor (Díli)-Portavóz grupu Rezisténsia Nasional Defende Justisa no Konstituisaun RDTL, Àngela Freitas hatete, iha ona serteza katak iha 28 Agostu oin mai, nia parte sei aprezenta petisaun ba Prezidente Repúblika Francisco Guterres Lú Olo hodi obriga tuun husi nia kargu nuudar Xefe Estadu.

Angela informa, konteudu husi petisaun nee mak kestiona desizaun neebé PR Lu Olo foti no husu atu tenke rezigna an.

“Prosesu lao too final ona, no iha dia 28 semana oin, ami sei lori karta petisaun ba Prezidente Repúblika," dehan Àngela ba iha sede nasional RNDJ-KRTL, Akait, Kinta (13/08).

Molok hatoo petisaun ba PR Lú Olo, nia dehan, massa husi kada munisipiu neebé apoiu asaun RNDJ-KRDTL sei tuun mai Dili no konsentra iha Tasi Tolu, Bekusse, no Bairo Formoza.

Hafoin ida nee, massa sei halo marsa husi ida-idak nia fatin konsentrasaun ba palasiu Prezidensial, Bairro-pite, hodi intrega petisaun ba PR Lú Olo.

Rate this item
(2 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.