Print this page

Iha Mapkoms Nia Oin Média Hotu-Hotu Hanesan

By August 13, 2020 1354
Ministru Asuntu Parlamentár no Komunikasaun Sosiál (MAPKOMS) Francisco Jerónimo ko'alia hela ho jornalista sira iha Parlamentu Nasionál (PN). Ministru Asuntu Parlamentár no Komunikasaun Sosiál (MAPKOMS) Francisco Jerónimo ko'alia hela ho jornalista sira iha Parlamentu Nasionál (PN). Foto Tempo Timor

Tempotimor (Dili) - Ministru Asuntu Parlamentár no Komunikasaun Sosiál (MAPKomS), Francisco Jerónimo, halo vizita kortezia ba média hotu-hotu iha Timor-Leste tanba konsidera média sira ne’e hanesan, no laiha espesiál média ida.

Ministru dehan, laiha média ida ne'ebé bolu ho lian Indonézia katak ‘anak emas’ ho ‘anak tiri’, iha Timor, maibé média hotu-hotu iha oportunidade hanesan.

"Média Talitakum mai ho nia karakter rasik, ne'ebé úniku uitoan tanba mai ho peskiza no informasaun ne'ebé kle'an uitoan ne'ebé ba oin ita sei koopera hamutuk”, dehan Ministru Francisco, iha Radio Loriku Lian, Kuarta (12/8).

Nune’e, radio mós iha oportunidade, tan ne'e tenke prepara proposta ruma ho métodu maneira atu aprezenta hodi haree bele fó oportunidade ruma asina kontratu média hotu-hotu atu servisu hamutuk.

Governante ne'e esplika, ba oin haree mós pájina ruma kona-ba ekonomia haree took ministériu ne'ebé tutela iha ekonomia ne'e oinsá atu bele fó pájina ruma.

Ne'e depende ba kriatividade halo analiza ba ekonomia ne'e oinsá bele fó solusaun, tanba liuhusi buat sira ne'e bele ajuda malu dezenvolvimentu nasaun ne’e.

"Ita sei hamutuk nafatin kala tinan rua sei haree saida mak ita bele halo ba bem estar, liuliu iha média bele forma informasaun ne'ebé eduka joven sira, ita-nia povu atu hatene saida mak di'ak no saida mak la di’ak”, tenik nia.

Iha fatin hanesan, Diretór Talitakum, Altidi Santos hateten, istória Talitakum nu’udar istóriku hamutuk ho Renetil sira harii iha 24 Abríl 1998.

Agora daudaun, Talitakum hamriik fali ho média online hafoin haree fali progresu ba oin saida maka sei halo. Diretór ne'e informa, Talitakum uluk harii iha jornál semanál, maibé agora online no programa ne'ebé Talitakum iha mak halo hakerek notísia no halo formasaun.

"Aban-bairua ami mós hanoin oinsá atu enkoraja eskritór timoroan sira para hakerek livru barabarak", dehan Altidi.

Nia esplika, Talitakum ne'e harii ho karakter ne'ebé la foku ba notísia loron-loron nian tanba agora online barak. Entaun, sira mai ho karakter notísia loron-loron ne'e atualizasaun de’it, barak liu kontinua ho karakter artigu reportajen kle'an ka ema nia opiniaun.

"Notísia ho nia abilidade ne'e ema bele lee semana Ida ou semana rua tanba nia konteúdu ne'e foku atu fó informasaun ne'ebé kle'an, maibé la foku bá notísia sira ne'ebé loron-loron sai hela de'it. Notísia sira ne'e ami halo maibé la'ós atu kompete fali ho online sira seluk, maibé barak liu foku ba atu aumenta koñesimentu ema nian no fó informasaun", nia informa.

Nia hatutan, dezde uluk sira-nia orientasaun ne'e oinsá atu tulun ema atu atende didi'ak asuntu ruma ho kontestu oioin.

Ne'e maka ba oin kontinua nafatin, publikasaun hotu-hotu entermus-de-forma iha saida mak Komunikasaun Sosiál, tenke iha polítika editoriál buat Sira ne'e hotu editoriál mak jere, entermus-de-relasaun Talitakum ho públiku garantia étika nu'udar ema ne'ebé servisu jornalizmu no produsaun jornalizmu ne'ebé lansa fali iha 20-Juñu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items