Nia dehan, hahú husi ukun an to'o agora, hafoin governu sosa ro Nakroma, Governu fó deit ba ema estrajeiru mak lori.
Tanba ne'e nia husu governu atu fó posibilidade no halo kordenasaun ho tripulantes timor-oan sira tanba timor-oan barak mak ba eskola kona-ba oinsa lori ro.
"Kona-ba ro Nakroma ne'e ita haree katak primeiru, governu la dun depozitus konfiansa ba ita-nia nahkoda timor-oan,” dehan nia iha PN, Kuarta (12/08).
Molok ne'e, Prezidente Konselhu Administrasaun Portu Díli (Aprotil), Flavio Neves hatete, Aportil iha planu atu promove Timor-oan 40 sai kapitaun no tripulantes ba ró Nakroma 1 no 2, maibé presiza orsamentu atu bele implementa planu refere.
"Laos ba ró Nakroma I deit maibé, ami mós hanoin prepara Timor-oan atu sai tripulantes ba Nakroma II, tanba Nakroma II iha loron 20 fulan Agustu tinan 2021 sei too Timor, entaun ita presiza prepara no rekruta Timor-oan ho mekanizmu neebé diak hodi haruka sira direita ba fatin produs ró hodi aprende tomak prosesu no iha koñesimentu diak molok ró Nakroma II mai sira mak sei jere,” dehan Flavio