Print this page

Governu Entrega 'Projetu' Ba UNDP, CNRT Husu: "Iha Ne'ebé Sasan?"

By August 12, 2020 2299
Deputada CNRT, Carmelita Moniz iha Plenaria Parlamentu Nasional Deputada CNRT, Carmelita Moniz iha Plenaria Parlamentu Nasional Foto File

Tempotimor (Dili)-Deputada bankada CNRT Carmelita Monis husu governu atu aprezenta sasan ka fasilidade ne'ebe uza ba sala kuarantena no sala izolamentu, tanba foin lalais Ministeriu Saude (MS) dehan aloka ona osan tokon $.5 ba United Nations Development Programme (UNDP) atu sosa fasilidade.

Ejizensia ne'e Bankada CNRT Kestiona tanba Parlamentu Nasional aprova tiha orsamentu ba ida ne'e maibe to'o agora seidauk asesu ba rezultadu ka informasaun ruma husi governu.

Nia dehan, iha estadu emerjensia anterior, governu mai husu parlamentu nasional aprova osan tokon 250, nune'e aloka 150 ba reforsa kofre eatadu no 100 ba fundu covid-19.

Nia hatete, nune'e husi fundu covid-19 ne'e governu aloka tokon 5 atu sosa fasilidade ka rekursu sira ne'ebe atu fasilita pesoal sira iha sala izolamentu no kuarantena kona-ba moras pandemia covid-19.

Ne'e duni nia husu, karik osan ne'e governu aloka ba UNDP Sosa ona fasilidade, entaun aprezenta tok sasan hirak ne'e, Oinsa ho modelu husi sasan ne'e no sasan to'o ona ga dili ga lae.

"hau husu Ministeriu Saude aprezenta orsamentu sira ne'ebe ke ita aprova ba covid-19 ne'e oinsa, no 5 miloes ne'ebe Aloka ba UNDP, sasan sira ne'e to'o mai ona ka lae, nia fasilidade ne'e oinsa, Tenke aprezenta mai PN,"informa deputada Carmelita iha debate konfirmasaun votus deklarasaun estadu emerjensia ne'ebe hala'o liu plenaria estra ordinariu iha PN, tersa (11/8).

Nia dehan molok PN aprova, governu mos fo rajaun katak osan refere atu sosa fasilidade ba kuarantena ho mos fatin izolamentu.

Rate this item
(0 votes)
Last modified on Wednesday, 12 August 2020 17:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items