Ho realidade ne’e, Deputadu Virgina konsidera, deklarasaun MS kona-ba kazu pozitivu foun ida iha TL nu’udar politika de’it.
"Membru governu de faktu liu husi Ministériu Saude de faktu, depois de teste liu loron 8 hetan tiha pozitivu ba covid-19, depois lori tiha ba izolamentu, agora negativu, ne'e ita halimar ho ema-nia saude," dehan deputada ne’e iha debate konfirmasaun deklarasaun estadu emerjensia ne'ebé hala'o liu husi plenária estra-ordinaria iha PN, Tersa (11/08).
Tuir informasaun ne’ebé Virgina hetan, molok tama TL, sidadaun refere halo teste iha Atambua, no rezultadu hatudu katak nia negative, maibé hafoin to’o iha TL, nia pozitivu fali.
Nia mós kestiona, tanba ema ne’ebé pozitivu mai ho nia feen no oan, maibé nia feen ho oan la hetan daet.
"Se nia mai ho nia feen ho oan, se nia feen ho oan la kona, depois nia mak kona fali, ne'e hau la fiar ida, nia mai ho nia atestadu mediku konpletu, nia mós aprezenta ba governu no ema ne'e to'o tanis, tanba nia la fiar dehan ‘ha’u mai husi ne'eba to'o Atambua mós halo hela teste, laiha pozitivu, mais tanba saida mai iha ne’e pozitivu?’,” dehan deputada ne’e.
Ba kestaun ne’e, deputadu Bankada FRETILIN Antonino Bianco konsidera deputada CNRT hakarak Timor-Leste mate tiha ba Covid-19 mak foin fiar.
"Ggovernu iha kompetensia boot atu bele prevene covid-19 tanba governu ida ne'e governu covid-19, situsaun covid mosu ne'e laos governu nia sala, tanba ne'e see mak la fiar, prontu, ne'e tanba nia hakarak ema mate tiha lai ba moras ida ne'e mak foin fiar,” dehan nia.