Login to your account

Username *
Password *
Remember Me

Deputadu PN Husu Governu Aselera Subsídiu Jornalista

Prezidenti Partidu Demokratiku Mariano Assanami Sabino  dada lia hela ho Jornalista tempotimor.com iha uma fukun Parlamentu nasional Dili, Tersa (11/08) Prezidenti Partidu Demokratiku Mariano Assanami Sabino dada lia hela ho Jornalista tempotimor.com iha uma fukun Parlamentu nasional Dili, Tersa (11/08) Foto Tempo Timor

Tempotimor (Dili) - Governu  promete ona atu fó mós subsídiu ba jornalista relasiona surtu Coronavirus Disease 2019 (Covid-19) iha Timor-Leste. Maibé, to’o ohin loron seidauk ezekuta.

Ne’e duni, Parlamentu Nasionál husu ba Governu atu aselera lalais prosesu ne’e tanba entidade sira seluk ne’ebé tama mós kategoria ne’e simu ona subsídiu, maibé úniku jornalista sira maka seidauk simu.

Prezidente Partidu Demokrátiku (PD), Mariano Assanami Sabino, husu atu governu apoiu másimu ba média inklui jornalista sira durante implementasaun Estadu Emerjénsia ba dala haat.

"Konsisténsia Governu nian dehan atu apoiu jornalista sira iha front line tenke aselera, tanba sira hatama ona konta bankária, mai be daudaun ne'e apoiu ne'e too iha ne'ebé," dehan Prezidente PD, iha Uma Fukun Parlamentu Nasionál, Tersa (11/08).

Nia husu atu governu ezekuta ona fundu ne'ebé apoiu ba média, tanba sira ne'e vitál tebes ba nasaun no sira mak informa mós situasaun hotu-hotu kona-ba Covid-19 nian ba povu, nune'e hakmatek no iha asesu informasaun ho loloos.

"Tanba ne'e, tenke konsisténsia apoiu ba média, liuliu ba jornalista sira ne'ebé iha front line," dehan Assanami.

Entretantu, antes ne'e, Ministru Asuntu Parlamentár no Komunikasaun Sosiál (MAPKomS), Francisco Jerónimo, husu atu jornalista sira atu mantein pasiénsia hodi hein tanba prosesu sei la’o hela. (*)

 
 
 
Rate this item
(0 votes)
Last modified on Tuesday, 11 August 2020 15:01
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter