Login to your account

Username *
Password *
Remember Me

MAPKomS Planeia Dezenvolve Midia Imprime

 Fundador AJTL no atual Prezidente Konsellu Imprensa Vergilho da silva Guteres simu Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo  iha edifisiu AJTL fatuhada, sesta (7/8). Fundador AJTL no atual Prezidente Konsellu Imprensa Vergilho da silva Guteres simu Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo iha edifisiu AJTL fatuhada, sesta (7/8). Foto Tempo Timor

Tempotimor (Dili) - Ministru Asuntu Parlamentár Komunikasaun Sosiál (MAPKomS) Franscisco Jerónimo, kompromete sei hadi'a ezisténsia midia imprime sira iha futuru.


Tuir obervasaun ministru nian hafoin halo vizita kortejia ba media hotu-hotu, identifika katak midia imprime sira presiza duni apoia hodi bele haforsa liután sira-nia ezisténsia.

"Ita haree midia online sira mak agora ne'e moris di'ak liu fali kompara ho jornal sira, tanba razaun simples de'it, bainhira ha'u kaer telefone sa'e ba iha foho matebian, kuandu iha internet ha'u bele asesu ona informasaun ne'ebé ohin akontese iha Timor-Leste, agora ko'alia kona-ba jornal bainhira ha'u mai sosa tan jornál," dehan nia, bainhira halo vizita kortejia ba Asosiasaun Jornalista Timor-Leste (AJTL), iha Fatuhada, Sesta (7/8).

Atu dezenvolve midia imprime sira, ministru ko'alia ona ho Primeiru Ministru, Taur Matan Ruak, no tuir planu sei akumula jornál sira ne'ebé kada loron hatama ba ministériu hodi lori ba iha komunidade nia leet liuhusi programa Naroman ba Suku.

"Ita-nia ministeriu sira kontratu barak ho jornál no loroloron sira hetan jornál, agora jornál sira atu halo saida. Ne'e mak ha'u mós dehan ba primeiru ministru see di'ak liu halibur jornál sira hotu-hotu kada ministériu tau hamutuk hodi tula ba para tau iha programa Naroman Suku, atu nune'e mobiliza juventude ka povu atu bele lee," nia esplika.

Planu ne'ebé atu akumula jornál sira lori ba komunidade nia leet, maski faze dahuluk komunidade sira la asesu maibé, neineik ba beibeik sei asesu tanba, barak mak sidauk iha telefone atu asesu ba informasaun sira.

"Ita lori ba tau ona iha ne'eba, primeiru sira haree dezeñu de'it mós laiha buat ida, maibé ha'u fiar katak neineik sira mós sei gosta atu lee, tanba sira iha ne'ebá jornál hanesan ne'e laiha no balun dalaruma seiduk iha telefone atu bele asesu internet entaun, hau hanoin sira falta ba informasaun", Nia argumenta.

Nia mos dehan, planu ba fatin ne'ebé atu distribui jornál ba mak iha parte leste, oeste no parte klaran.

Ministeriu balun halo kontratu balun to'o haat entaun Jornál INDEPEDENTE, STL, Timor-Post, Dili-Pos, Business Timor, Diario Nasional loron-loron tau hamutuk to'o fulan ida hodi distribui ba munísipiu. (*)  

Rate this item
(0 votes)
Last modified on Monday, 10 August 2020 15:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter