Distribuisaun veíkulu ne’e atu responde ba preokupasaun sentru saúde sira iha Munisípiu Baukau, inklui limitasaun transporte ambulánsia hodi tula moras.
Nune’e, tuir Vise-Ministru Saúde, Bonifácio Maukoli dos Reis, planu distribuisaun karreta multi-funsaun ne’e sei halo iha semana ne’e nia-laran.
Husi munisípiu 12 no Rejiaun Administrativu Espesiál Oekusi-Ambenu (RAEOA), Munisípiu Baukau mesak maka hetan ambulánsia rua, husi totál karreta ambulánsia 16 ne’ebé atu distribui.
"Ha'u fó ona prioridade ba Munisípiu Lautem hetan rua, Ermera rua, Baukau mós rua, RAEOA no munisípiu sira seluk ida-ida, para bele responde ba preokupasaun sira ne'ebé durante ne'e iha" dehan Maucoli.
Enkuantu, kondisaun ambulánsia balun iha munisípiu sira ladún favorável ona, maibé nafatin utiliza halo operasaun, nune'e parte Ministériu Saúde rasik deside ona atu distribui ba munisípiu sira ne'ebé presiza ambulánsia.
Tuir observasaun www.tempotimor.com