Uma-Ka'in 127 iha Postu Na'in Feto Sei Afetadu Ba Projetu Drenajem

Parte balun husi postu Nain Feto Parte balun husi postu Nain Feto Foto Tempo Timor

Tempotimor (Dili) - Projeitu drenajem iha Postu Administrativu Na'in Feto, identifika ona uma kain hamutuk 127 maka sei sei afetadu tanba área konstrusaun ne'e sei kona mós sira-nia hela fatin.


Relasiona ho projetu ne'e, ekipa liña ministeriál halo sosializasaun iha sede suku Akadiru-Hun hodi esplika ba komunidade sira ne'ebé seu hetan impaktu husi konstrusaun ne'e.

Diretór Jerál Servisu Agua no Saneamentu (SAS), Gustavo da Cruz hateten, populasaun iha Postu Administrativu Na'in Feto kuaze 127 mak sei afeta ba projetu drenajem ne'ebé tempu badak sei realiza iha Munisípiu Dili.

"Ohin ita mai ko'alia kona-ba oinsá afetadu husi projeitu ne'e kona komunidade sira-nia uma, rai, ai-horis, ka uma ne'ebé sira hela ne'e Estadu nian ka uma privadu, uma ne'ebé halo iha valeta leten inklui mota laran sira," dehan nia, ba jornalista sira, iha sede Suku Akadiru-Hun, Segunda (10/08).

Nia afirma, tuir planu, komunidade sira iha Na'in Feto uma-ka'in 127 mak sei aferadu ba projeitu refere, maibé númeru ne'e seidauk fixu. Tanba ne'e, ekipa sei tuun hodi rekolla dadus mak foin hatene loloos númeru afetadu, maibé jeralmente iha munisípiu Dili kuaze uma-ka'in 600 mak sei afeta husi projeitu drenajem ne'e," nia dehan.

Entertantu, orsamentu ne'ebé atu finansia ba projetu drenajem iha Munisípiu Dili ne'e apoiu husi Millennium Challenges Corporation (MCC), iha America.

"Totál orsamentu ba Dili drenajem ne'e kuaze tokon US$ 300, ne'ebé hetan apoiu husi MCC iha America liu tokon US$ 200," nia tenik.

Iha fatin hanesan, Prezidente Autoriedade Munisípiu Dili, Gaspar Soares hateten, projetu ne'e importante tebes, tanba atu dignifika Dili nu'udar kapitál Timor Leste nian.

"Nune'e tékniku sira tuun hodi halo identifikasaun hanesan uma, rai, ai-horis no seluk tan ne'ebé afetadu ba projeitu ne'e rasik," nia dehan.

Nia esplika, projeitu ne'e parte ida oinsa atu fó dignidade Dili nian hanesan kapitál Timor-Leste.

Entretantu, konsultór ne'ebé dezeña Dili drenajem ne'e mak konsultór agua de Portugal no ekipa ne'ebé ba halo sosializasaun ne'e mai husi ministeriu Administrasaun Estatál (MAE), Ministériu Interiór (MI), Terras no Propriedades, Ministériu Obras Públika (MOP), Ministériu Agrikultura no Peskas (MAP) Munisípiu Dili, Protesaun Sivíl no seluk tan. (*)  

Rate this item
(0 votes)
Last modified on Monday, 10 August 2020 14:30
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.