Tratór Barak At, MAP sei La Sosa tan

Trator sira ne'ebe governu sosa sai besi tua Trator sira ne'ebe governu sosa sai besi tua Foto suplai

Tempotimor (Dili)- Ministru Agrikultura no Peskas (MAP) Pedro dos Reis informa, tratatór ne’ebé molok ne’e fahe ba komunidade sira iha munisipiu kuaze aat hotu ona, tanba MAP so halo manutensaun ba ida ne’ebé ho kustu kiik.

Nia hatete, trator ne’ebé faze kuaze aat hotu ona, hanesan ezemplu, tratór 36 iha Betano, hela unidade 5 ka 6 mak sei di’ak, restu aat hotu ona.

"Ami so halo manutensaun ba ida ne'ebé kustu ki'ik, maibé ida ne'ebé boot hanesan de'it, tanba ita hatene trator ninia serbisu ne'e todan hanesan fila rai, tanba ne'e ita halo manutensaun ba ida ki'ik ne'e buat ketak ida, maibé ida boot ne'e manutensaun hotu tama ba mak aat fali oinsa, tanba ne'e ami la'o ho buat ne'ebé iha," dehan ministru ne’e hafoin hasoru-malu ho Primeiru Ministru Taur Matan Ruak iha palasiu governu, Sesta (07/08).

Maske nune’e, Ministru ne’e hatete, MAP laiha planu atu sosa trator foun, tanba tratór ne’ebé aat de’it hadia labele ona.

 

<iframe width="560" height="315" src="/" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

 

"Atu sosa foun ne'e imposivel, maibé ami propoin karik bele hola tan mak tronton, tanba eskavador aat hotu, kala hela de'it unidade rua ou tolu atu kobre Timor laran labele, tanba ne'e ami propoin atu hola tronton atu nune'e fatin ne'ebé mak husu ita haruka ba kedan," dehan nia.

Hatan kona-ba karik trator hirak ne’e at hotu ona, oinsa atu bele ajuda agrikultór sira hodi fila rai, Ministru ne’e dehan, nia parte sei tenta atu uza no kontrola ida ne’ebé iha no seidauk ho masimu.

"Trator barak, ha’u ladun lembra ona (kuantidade hira), maibé tuir ha’u-nia vizita haree hanesan iha Suai hamutuk 38 maibé funsiona ne'e kala hela 6 de'it, iha Betano 36 funsiona kala 4 de'it. Iha barak maibé ha’u seidauk hatene loloos ninia unidade, maibé sira ne'ebé funsiona ne'e koko par uza ho masimu,” nia dehan.

Kona-ba planu atu leilaun tratór, ministru ne’e dehan, susar uitoan atu realiza, tanba kustu boot no balun kondisaun aat ne’ebé ema se la sosa.

Rate this item
(0 votes)
Last modified on Sunday, 09 August 2020 10:23
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.