Login to your account

Username *
Password *
Remember Me

Laiha Nesesidade Deklara EE

Tempitimor (Dili) - Diretór Asia Justice and Right José Luis de Oliveira hateten, Timor-Leste laiha nesesidade atu implementa fali Estadu Emerjénsia hafoin mosu kazu konfirmandu Covid-19 ida husi sidadaun Indonézia.

"Ami-nia haree laiha nesesidade atu implementa fali Estadu Emerjénsia ba dala haat," dehan nia, iha nia knaar fatin, Palapasu, Dili, Kuarta (05/08).

José akresenta, daudaun ne'e Covid-19 seidauk tama ba tranzmisaun lokál, nune'e medida ne'ebé importante atu Estadu tau atensaun mak kontrolu másimu iha liña fronteira, inklui portu no aeroportu.

"Ita haree hafoin estadu emerjénsia faze dala toluk, parte fronteira nafatin halo kontrolu ba ema ne'ebé tama sai legál no ilegál, servisu normál hela. Tanba ne'e, mai ami, ita-nia situasaun la nesesita atu ita deklara Estadu Emerjénsia faze dala haat, maibé ita emite de'it medida admistrativu hodi hametin servisu iha fronteira sira ne'e, tanba ita-nia ameasa ne'e husi li’ur, la’ós husi laran," dehan nia.

Diretór AJAR afirma, servisu kuarentena presiza hadi’a, alende kualidade inklui mós atendementu ne'ebé justu.

"Ha’u la aseita kuarentena voluntáriu ka ida-idak ba kuarentena iha uma, ne'e labele. Tanba ita-nia ne'e tranzmisaun husi li'ur, sé de'it mak mai tenke tama kuarentena obrigatoriu," hateten Oliveira.

Tuir nia, kazu Covid-19 pozitivu foun sidadaun husi Indonézia ne'e fallansu husi Governu, tanba konsidera kualkér sidadaun sé de'it mak halo viajen tama-sai Timor presiza iha karta atestadu médiku hodi hatudu pesoál ne’e livre husi Covid-19.

Nia rekomenda atu Governu liuhusi Ministériu Saúde halo mós kampaña públiku iha linã fronteira relasiona Covid-19, nune'e hasa’e ema-nia koñesimentu.

Entretantu daudaun ne'e Timor-Leste rejista fali kazu konfirmandu Covid-19 foun ida, ne'ebé sidadaun Indonézia halo viajen mai Timor-Leste. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter