Sekretariu Estadu Formasaun Profisional no Empregu (SEFOPE) Alarico do Rosario hatete, Timor-oan na’in 149 mak ohin to’o TL, kompostu husi trabaladór iha Korea na’in 110 no Indonezia na'in 39.
Kona-ba aviaun ne’ebé tula Timor-oan hirak ne’e, nia dehan, governu mak aluga ho total orsamentu rihun $149.
"Aviaun ne'ebé tula sira ne'e, governu Timor-Leste mak aluga no sira husi Australia sa’e aviau ketak," informa Alarico hafoin simu trabaladór sira.
Nia esplika, aviaun ne’e governu aluga atu tula mate-isin Carlito Fereira husi Korea no Gabriel Martins husi Inglatera, maibé tanba trabaladór balun mos hakarak fila entaun aproveita oportunidade ne'e ajuda sira fila.
Hafoin to’o iha TL, nia hatete, sidadaun sira ne’e obrigatoriu tenke kumpre kuarentena durante loron 14.
"Sira ne'e mai obrigatoriu tenke ba kuaretina tanba regras saúde mak haruka," dehan Alarico.