Prezidente Tatoli Husu Rezignasaun, Seidauk iha Kandidatu

Prezidente Ajensia Notisioza Timor Leste, Jose da Costa Prezidente Ajensia Notisioza Timor Leste, Jose da Costa Foto Facebook

TempoTimor (Dili) - Prezidente Tatoli, Jose da Costa husu rezignasaun husi kargu, maibé to'o agora Governu seidauk hetan ema ruma atu substitui ninia fatin.

Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo hatete, to'o oras ne'e nia seidauk iha kandidatu ruma atu substitui Prezidente Tatoli nia fatin.

"Seidauk iha kandidatu ruma iha ha'u-nia oin, agora ha'u sei buka hela tanba ha'u mós tenke komprende saida maka Prezidente Tatoli, IP nia hakarak," tenik nia, iha ba jornalista hafoin jornada orsamentál, iha Ministériu Finansas, Aitarak-Laran, Tersa (04/08).

Nia dehan, Prezidente hatete buat lubuk ida ne'ebé ministru mós sei hanoin hela atu haree fila-fali, hodi haree fali ema ne'ebé iha duni média para atu bele tuur fali iha fatin ida ne'ebé maka Prezidente Tatoli husik hela.

Husu kona-ba antes ne'e iha Visé Prezidente na'in-rua maka forma pakote ho Prezidente Tatoli karik halo mós substituisaun, nia dehan, sei haree uluk dekretu lei ne'ebé ko'alia kona-ba rezignasaun ba prezidente ho vise prezidente sira, hafoin nia bele foti desizaun ruma.

Antes ne'e, Prezidente Tatoli ko'alia verbál ho ministru hodi husu atu komprende ninia situasaun, no agora hein depois sei haree saida maka bele atu foti ba oin.

Nia dehan, maski pedidu rezignasaun ne'e rasik molok ne'e aprezenta ona ba MAPKomS atu rezigna-aan husi kargu Prezidente Tatoli, maibé nia sei halo servisu  to'o loron 30 Agostu. (*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks