Embaixada Trata Ona Dokumentu Husi Timoroan Ida Ne'ebe Afetado iha Austrália

Ahi han fatin ne'ebe Timoroan sira hela Ahi han fatin ne'ebe Timoroan sira hela Foto File

TempoTimor (Dili) - Traballadór timoroan iha Austrália ne'ebé antes ne'e pasaporte ahi han, governu Timor-Leste liuhusi embaixada iha Australia tau ona atensaun hodi prosesa fali dokumentu foun, nune'e bele utiliza fali bainhira sira fila mai Timor-Leste.

Ministra Negósiu Estranjeiru no Kooperasaun (MNEK), Adaljiza Magno hateten, iha traballadór ida de'it maka nia pasaporte ahi han, no agora embaixa TL nian ih Australia tau ona atensaun oinsá bele prosesa pasaporte foun, maibé parte MNEK rasik seidauk iha  informasaun ruma kona-ba prosesu halo pasaporte iha TL ka Australia.

"Ami seidauk iha report halo nusa, tanba agora sei halo ne'e tenke mai Timor mak halo, ka ema ruma husi ne'e ba mak halo, mas see nia labele, parese bele ajuda ho travel document," dehan nia, ba jornalista sira, iha Ministériu Finansas, Aitarak Laran, Segunda (03/08).

Nia dehan, mezmu nia rasik seidauk iha informasaun kona-ba situasaun ne'e, maibé embaixada tau matan hela ba sira.

Adaljiza akresenta, maski governu estende tan estadu emerjénsia ba dahaat, sitauasaun ne'e sei la fó impaktu ba traballadór sira iha estranjeiru, tanba prosesu atu retira sira husi Austrália mai TL la'o ona.

"Ha'u sente la pengaruh ida tanba sira sei mai nafatin, prosesu la'o ona, tama nafatin," dehan nia.

Maski nune'e, nia dehan, regra ne'ebé sei aplika maka rigorozu liu, tanba hakarak ka lakohi sira tenke ba kuarentena obrigatóriu, tanba agora ne'e laiha lei ida obriga, tanba hotu-hotu voluntáriu, no ho obrigatóriu para bele regula ema sira ne'ebé tama mai. (*)  

Rate this item
(0 votes)
Last modified on Tuesday, 04 August 2020 11:08
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« February 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28

Tempo Timor Networks