Print this page

Deputadu FRETILIN Apoiu EE, KHUNTO Sujere Aplika de’it iha Fronteira

By August 03, 2020 3015
Deputadu Jose Agustinho Sequeira 'Xomotxo Matar Mimiraka' ko'alia ba midia sira foin lalais ne'e iha Parlamentu Nasional Deputadu Jose Agustinho Sequeira 'Xomotxo Matar Mimiraka' ko'alia ba midia sira foin lalais ne'e iha Parlamentu Nasional Foto File

Tempotimor (Dili)-Relasiona ho deliberasaun Konsellu Ministru ba Estadu Emerjensia (EE), Bankada KHUNTO iha Parlamentu Nasionál husu atu implementa de’it EE iha area fronteira, tanba area ne’e mak ameasadu no sai risku ba transmisaun Covid-19.

Tuir planu, ohin (03/08), Konsellu Ministru (KM) liu husi reuniaun estraordinaria sei diskuti tan proposta ba Prezidente Repúblika kona-ba deklarasaun Estadu Emerjensia.

Ba kestaun ne’e, deputadu KHUNTO Antonio Verdial hatete, bainhira governu nia objetivu husi EE ne’e atu prevene Covid-19, di’ak liu EE ne’e implementa de’it iha fronteira.

"Se karik tempu agora mak halo tan estadu emerjensia ne’e ha’u hanoin la loos, tanba ne’e karik governu iha sentimentu ameasadu entaun beke aplika ba fatin ida ne’ebé mak konsidera hanesan rsiku ba Covid-19," dehan Verdial iha PN, Segunda (03/08).

Iha fatin hanesan, deputadu bankada FRETILIN José Agustino Siqueira Xomotxo konsidera EE ne’e iha fatin duni tanba Covid-19 sei sirkula maka’as tebes iha nasaun viziñu sira.

“Ha’u hanoin deliberasun estadu emerjensia Timor-Leste presiza tanba nasun viziñu sira mós agora dadaun covid-19 ne’e sei lao, entaun ita mós tenke iha duni deklarasaun EE atu bele limite ema tama-sai," dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items