Print this page

OFILIN Pro Kriminaliza Difamasaun

By August 03, 2020 2563
Demonstrasaun kontra Kriminaliza Difamasaun iha UNTL besik eis Liceu Dili (3/8) Demonstrasaun kontra Kriminaliza Difamasaun iha UNTL besik eis Liceu Dili (3/8) Foto Tempo Timor

TempoTimor (Díli)-Organizasaun Filiadas Fretilin (OFILIN) deklara apoiu Ministériu Justisa (MJ) hodi kriminalizasaun difamasaun. Ho razaun, atu bele regula sidadaun sira labele tolok no difama ema arbiru de’it.

Prezidente OFILIN, Manuel Fernandes Nakfilak hatete, maske uluk Timor-Leste L uza instrumentu sira ne'e hotu hodi konkísta direitu ba ukun rasik aan, maibé husu ba sidadaun hotu atu labele uza sala fila fali direitu ida ne'e hodi hatuun ema-nia privasidade.

"Liberdade ema nian termina bainhira ida seluk nia liberdade komesa. Tanba ne'e, karik lei difamasaun se la’o to'o iha parlamentu nasional, sira deputadu sei aprova, i sei favorável karik mós, ami sei fó ami-nia presu ba ida ne'e, katak OFILIN sei fó nia apresu ba lei difamasaun," dehan Nakfilak ba jornalísta sira iha sede OFILIN, Akait, Sesta (31/07).

Nia hatete, naturalmente OFILIN apoiu governu hodi kria esbosu alterasaun ba kriminaliza difamasaun tanba TL presiza regra ida, se lae ema la hatene ezerse nia direitu.

"Artigu 36 konstituisaun RDTL mós fó hela direitu sira ne'e hotu kedas, direito da liberdade se expressăo. Năo príva. Lei difamasaun mai laós atu hamate ema-nia direitu ba espresaun, direitu atu hatete sai buat ruma, mais dentro de limites," nia hatete.

Iha fatin hanesan, kuadrus OFILIN no atual deputadu FRETILIN, Davíd Dias Ximenes "Mandati" hatete, bainhira sidadaun ida koalia kona-ba nia liberdade, nia mós tenke iha responsábilidade.

"Ha'u iha liberdade atu hetan propriedade, mais responsábilza o nia propriedade. Buat hotu-hotu iha nia responsabilidade, ou bele dehan hanesan ne’e ‘imi OFILIN sira naok-teen hotu de’it’, ne'e buat ida. Mais kuandu dehan katak ‘Aleixo Cobra, OFILIN nia ema naok-teen’, aah ne'e difamasaun, ne'e labele," nia esplika.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items