Média Nafatin Sai Atensaun Ba Governu

Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo ho komitiva hasoru malu ho Nain G-RTV Eduardo Belo ho Jornalista husi midia refere iha kna'ar fatin Fatu Hada Dili (30/7) Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo ho komitiva hasoru malu ho Nain G-RTV Eduardo Belo ho Jornalista husi midia refere iha kna'ar fatin Fatu Hada Dili (30/7) Foto Tempo Timor

Tempotimor (Dili) - Ministru Asuntu Parlamentár no Komunikasaun Sosiál (MAPKomS), Francisco Martins da Costa Pereira Jerónimo, iha vizita kórtezia Gardamor Radio Televizaun (G-RTV) atu hatudu katak Governu iha interese ba dezenvolvimentu média iha Timor-Leste.



"Vizita média hotu inklui Radiu Televizaun Gardamor ho objetivu mai hamutuk ho média sira oinsá haree hamutuk halo kooperasaun ho parte ne'ebé deit ita bele halo," dehan nia, iha Gardamor Radio Televizaun, Kinta (30/7).

Apoiu ne'e atu promove informasaun ba komunidade hakarak buat sira ne'e hotu la'o ho korridor ne'ebé di'ak, liu-liu informasaun kredivél, akurat no atu eduka populasaun sira atu sai ema di'ak liu iha era mileniu.

Nia hatutan, média mós hanesan papél importante ne'ebé fó informasaun edukativu atu konstroi karakteristika sira ne'ebé bazeia ba kultura Timor-Leste nian.

Iha fatin hanesan, Diretór Jerál G-RTV, Eduardo Belo Soares 'Gatot' hateten, sira kontente tebes ho prezensa ministru nian tanba husi vizita ne'e sente katak sira la'ós mesak, maibé iha apoiu husi governu.

"Ami la preokupa la'o, mezmu ke ami la'o neneik maibé ami tenta atu la'o nafatin", dehan nia.

Xefe Redasaun G-RTV hateten, sira fokus liu ba suntu tolu hanesan ekonomia, divertimentu, no edukasaun, maibé la taka dalan ba asuntu seluk. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.