"Ha’u mai iha ne’e atu haree média Televizaun Edukasaun (TVE) ninia kondisaun no mós hakarak hatene uitoan prosesu sira iha televizaun ne’e,” dehan nia, iha nia vizita ba média TVE, Raikotu, Komoro, Kinta (30/07).
Nia hatutan, governu iha preukupasaun no hakarak la’o hautuk ho média sira hodi bele produz notísia ho kualidade.
“Ha'u mós rona kona-ba Televizaun Edukasaun iha problema barak iha fasilidade no seluk tan, maibé atu dehan katak ami mai vizita la’ós atu halo buat hotu, maibé pelumenus mai haree hamutuk saida mak ami bele halo,” tenik nia.
Iha vizita ne'e, ministru esplika jornalista sira-nia preokupasaun kona-ba Lei Radiudifuzaun ne'ebé agora daudauk sei iha hela prosesu diskusaun no sei konvida média na’in sira.
“Sei hasoru malu fali ho média hotu bele hamutuk depois aborda opiniaun hotu atu hadi’a depois sei aprezenta ba Konsellu Ministru (KM) para lori ba Parlamentu Nasionál no prosesu ne’e ami la’o namanas hela," Francisco.
Nia hatutan, aprezenta lei ne’e sei depende ba diskusaun tanba labele lalais aprova lei, presiza hanoin hotu para hadi’a hodi fó benefisiu ba ema hotu.