Print this page

PN Husu Atensun Urjente ba Povu RAEOA

Komunidade Oekusse ne'ebe dudu malu atu sa'e ba ro Nakroman hodi mai Dili Komunidade Oekusse ne'ebe dudu malu atu sa'e ba ro Nakroman hodi mai Dili Foto Suplai
Tempotimor (Dili) - Prezidente Partidu Demokrátiku (PD), Mariano Assanami Sabino, husu governu sentrál atu tau atensaun urjente ba problema nesesidade ne’ebé afeta povu Rejiaun Administrativa Espesiál Oekusi-Ambenu (RAEOA).

Deputadu Asanami foti asuntu ne'e relasiona  folin sasán no mós  nesesidade báziku hanesan mina ho foos ne'ebé folin sa'e makaas iha REAOA, hodi difikulta komunidade kbiit laek sira atu bele sosa.

“Iha RAEOA ne’e foos no mina la’ós folin sa’e de'it, maibé sasán hirak ne'e hahú menus, entaun importante tebes atu governu apoiu fila-fali mina (kombustivel) no foos ba RAEOA, liuliu husu atu normaliza hikas folin sasán,” dehan nia, ba jornalista sira iha Parlamentu Nasionál (PN), Kinta (30/7).

Nia hatutan, antes ne’e, nia parte hasoru malu ona Prezidente Autoriedade RAOEA Arsénio Bano katak sei halo intervensaun urjénsia.

“Ha’u hasoru ona prezidente RAEOA nian no ami ko’alia ona kona-ba ida ne’e,” tenik Assanami.

Molok ne'e, Prezidente Rejiaun Administrativa Espesiál Oekusi-Ambenu, Arsénio Paixao Bano hateten, nia parte sei buka meius hodi rezolve situasaun ne’ebé povu RAEOA enfrenta. (*)  
 
 
 
 
 
Rate this item
(0 votes)
Last modified on Friday, 31 July 2020 14:34
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items