Print this page

Deskonfia MSSI 'Estraga' Osan Arbiru

Bandeira UDT ho FM iha fanpage bankada nian Bandeira UDT ho FM iha fanpage bankada nian Foto Fanpage FB UDT/FM

Tempotimor (Dili) - Relasiona ho suplementu renumeratóriu ba kada uma-kain iha Estadu Emerjensia 'estraga' osan arbiru tanba la tuir lei ka regra formál fixa família.


Vise-Xefe Bankada UDT/FM, Isabel Ximenes hateten, Ministériu Solidariedade Sosiál no Inkluzaun (MSSI) fahe subsídiu $200 ba uma-kain iha Munisípiu Ainaro balun ho de'it deklarasaun bele hetan subsídiu.

"Ami hetan kazu konkreta iha Ainaru sira laiha fixa família, maibé halo de'it deklarasaun barlakeadu bele simu subsidiu," dehan nia.

Hataan ba preokupasaun ne'e Vise-Primeira Ministra no Ministra Solidariedade Sosial no Inkluzaun (MSSI), Armanda Berta hateten, pagamentu subsídiu ba kada uma-kain tuir lei ba de'it família ne'ebé iha fixa família.

"Dadus sira iha munisípiu tuir lei só ema iha fixa família mak ita bele selu, see karik laiha entaun ita ba prosesu reklamasaun," dehan nia.

Nia afirma, pagamentu suplementu renumeratóriu ba benefisiáriu sira, antes ne'e fahe uluk ona informasaun hafoin implementa subsídiu ne'e.

"Kona-ba atu selu reklamasaun sira tuir diploma ministeriál konjunta husi Ministériu Solidariedade Sosiál no Inkluzaun (MSSI) ho Ministériu Administrasaun Estatál (MAE) depois pagamentu iha loron 15 hodi rezolve reklamasaun sira ne'e," nia esplika.

Tuir nia, iha Munisípiu Dili, Bobonaru inklui RAEOA mak sei iha prosesu verifikasaun ba reklamasaun, tanba ne'e atu fahe fali subsídiu $200 ba sira ka lae sei verifika hela.

"Tanba ne'e, durante pagamentu ekipa sira mós halo hela verifikasaun ba dadus iha munisípiu hotu no hela Oekusi, Dili no Bobonaru mak seidauk", nia esklarese.

Armanda dehan, preokupasaun hirak ne'e la'ós deputada sira de'it maibé ba ema hotu-hotu, espera sei bele rezolve reklamasaun sira ne'e hotu. (*)  

Rate this item
(0 votes)
Last modified on Wednesday, 29 July 2020 11:13
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items