Login to your account

Username *
Password *
Remember Me

Atu Simu Ro Nakroma II, MTK sei Prepara Rekursu Umanu

Ministru Transporte no Komunikasaun Jose Agostinho da Silva Ko'alia hela ho Jornalista sira iha Palasiu Governu Ministru Transporte no Komunikasaun Jose Agostinho da Silva Ko'alia hela ho Jornalista sira iha Palasiu Governu Foto Tempo Timor
Tempotimor (Dili)-Konstrusaun ba Ro Ahi Nakroma II iha Republika Popular Xina no finaliza sei mai Timor-Leste maibé, governu sei kria planu politika ida atu investe ba rekursu umanu, tanba to’o agora Timor-oan ne'ebé sai hanesan kapitaun hodi lori ro seidauk iha.
 
Ministru Transporte Komunikasaun José Agustinho da Silva hatete, konstrusaun ro Nakroma II sei finaliza tuir eskedu ne’ebé iha.
 
"Agora oinsa ita atu antisipa bainhira ro ne'e finaliza ninia konstrusaun mai fali ona atu konkretiza politika governu nian ne'ebé mak loke kanal maritima liga ba parte Norte no Sul illa Timor-Leste ninian atu nune'e bele fasilita ita-nia populasaun sira," dehan Ministru José hafoin reuniaun ho Primeiru Ministru Taur Matan Ruak iha palasiu governu, Segunda (27/07).
 
Nia dehan, governu liu husi Ministériu Transporte Komunikasaun (MTK) sei planu atu investe ba rekursu tanba, timor-oan ne'ebé atu lori ro seidauk iha.
 
"Lla'os kapitaun de'it maibé ita-nia ema sira ne'ebé serbisu iha ro leten mós ema estranjeiru, realidade ita-nia ema ne'ebé daudaun serbisu iha Ro Berlin Nakroma Timor-oan sura ho liman fuan, na'in 5 de'it mak iha ne'eba," nia dehan
 
Tuir planu, nia dehan, ro Nakroma II sei halo operasaun no fasilita populasaun sira iha munisipiu neen hanesan, Manatutu, Baukau, Lautem, Vikeke, Manufahi no Kovalima.
Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter