Print this page

Eis Deputadu husu PR Lu Olo Haree Valor Istoriku Meza PN

Eis Deputadu Sira Ko'alia ba Jornalista sira Iha Palasiu Prezidensial Hafoin Hasoru Malu ho PR Lu-Olo Eis Deputadu Sira Ko'alia ba Jornalista sira Iha Palasiu Prezidensial Hafoin Hasoru Malu ho PR Lu-Olo Fote Media PR
Tempotimor (Dili)-Eis deputadu sira ne’ebé hamahan an iha Asosiasaun Antigus Deputadu Timor-Leste (AADTL) husu ba Prezidente Repúblika Francisco Guterres Lu Olo atu haree valor istoriku husi meza Parlamentu Nasionál (PN) ne’ebé rahun ona.
 
Portavoz AADTL Buras Martins hatete, PR Lu Olo hanesan aman ba nasaun nasaun tenke haree ba valor istóriku meza PN nian, la’ós haree hanesan materiál.
 
“Ami ko’alia ho PR kona-ba meza PN nian, ne’ebé mak rahun. Iha meza ida ne’e nia leten mak membru asembleia sira idaidak ba asina konstituisaun RDTL iha leten, maibé iha lejislatura dalima halo rahun tiha tanba diverjensia polítika no hanoin,” dehan Buras ba jornalista sira hafoin hasoru-malu ho PR Lu Olo, iha Palasiu Prezidensial Bairru-pite, Dili, Segunda (27/07)
 
Nia hatete, hanesan eis deputadu husu ba PR nu’udar aman ba nasaun atu haree valór husi meza ne’e.
 
“Laiha sentimentu pesoál ida, mais ami fó hanoin ba sua eslésnsia PR katak labele haree meza ne’e hanesan materiál, maibé tenke haree ba meza ne’e ho ninia valores istóriku ne’ebé iha,” nia dehan.
 
Eis titulár ne’e mós dehan, problema la’ós PN, maibé deputadu sira ne’ebé partidu hili hodi ba tuur iha PN mak la kualidade.
 
Entretantu, meza PN rahun iha 19 Maiu 2020, hafoin mosu ‘asaltu’ poder husi bankada FRETILIN, PLP no KHUNTO hasoru bankada CNRT, UDT/FM, no PUDD.
Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items