Print this page

MAPKomS sei 'Haree' Ofisiál Média Ne'ebé Impede Jornalista

Ministru Asuntu Parlamentar no Komunikasaun Sosial Francisco Jeronimo Ministru Asuntu Parlamentar no Komunikasaun Sosial Francisco Jeronimo Foto Suplly

Tempotimor (Dili) - Ministru Asuntu Parlamentár no Komunikasaun Sosiál (MAPKomS) Francisco Jerónimo, la konkorda ho atetude ofisial média instituisaun governu ne'ebé impedimentu servisu jornalista. Nune'e, prontu halo investigasaun ba kestaun ne'e.

Nia hatutan, kona-ba kestaun ne'e ko'alia beibeik ona iha Konsellu Ministru katak, tenke fó fatin ba jornalista sira atu entrevista ministru kualkér oras no tempu.

"Ha'u haree realidade akontese notísia balun ne'ebe kuandu publika dalaruma la balansu, entaun iha notísia ne'e jornalista sira tau fali dehan (hafoin notísia ne'e publika jornalista sira la konsege konfirma parte ida ne'e tanba sira sai hela). Tanba ne'e, hau foin lalais iha Konsellu Ministru ha'u rasik hato'o kestaun ne'e ba ministru sira katak presiza fó informasaun ba jornalista sira kuandu sira presiza," tenik nia.

"Se kuandu sira-nia ofisiál média maka la fó jornalista atu entrevista, ha'u hanoin ami sei ko'alia no buka hatane, sira-nia razaun tanbasá," dehan Ministru Asuntu Parlamentár no Komunikasaun Sosiál (MAPKOMS), Francisco Jerónimo, hodi resposta ba preokupasun jornalista sira, iha edifísiu Dili-Post, Bekora, Sesta (24/7).

Iha fatin hanesan, jornalista Dili-Post, Leonito Mesquita da Silva, husu ba Ministru Asuntu Parlamentár no Komunikasaun Sosiál atu bele buka solusaun ba kestaun jornalista sira-nian iha terrenu.

"Bainhira ami atu entrevista ministru, sira-nia ema la fo fatin no lakohi koopera ho ami atu bele entrevista, afinál ami-nia asuntu ne'ebé ami presiza tebes atu halo konfirmasun, ne'e duni husu ba ministru karik bele buka solusaun ba ida ne'e," dehan nia. (*)

Rate this item
(0 votes)
Last modified on Monday, 27 July 2020 14:14
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items