Diretór Jeral MSSI, Rui Manuel Exposto informa, reklamasaun ne’ebé ekipa MSSI hahú verifika kuaze 14.175.
Nia dehan, ekipa MSSI hala’o ona verifikasaun iha RAEOA no munisipiu 7, signifika hela munisipiu 4 mak seidauk verifika.
Nia hatutan, reklamasaun ho númeru boot liu mak munisípiu Dili.
“Bainhira verifikasaun hotu ona mak ekipa sei hamutuk ho ekipa husi Ministériu Administrasaun Estatál (MAE) depois deside tuir lei ne'ebé iha,” dehan nia.
Entretantu, kona-ba pagamentu ne’ebé ekipa MSSI halo ona, Rui hatete, husi total uma-ka'in ne'ebé rejistradu ba subsídiu 318.527, MSSI konsege halo ona pagamentu ba uma-kain 299.808.