CVTL nia programa ne'ebé povu gosta tebes maka hanesan kanaliza bee-moos ba komunidade, hadi'a uma kbiit laek sira-nian, inklui saneamentu. Durante tinan lima hala'o projetu ne’e konsege kria projetu hamutuk 620," dehan Prezidente CVTL, Madalena Hanjam, ba jornalista sira iha, iha edifísiu Ministériu Solidariedade Sosiál no Inkluzaun (MSSI), Kinta (23/07).
Nia afirma, komunidade barak mak hato'o ona proposta barak ba CVTL, entaun CVTL husu governu atu apoiu tokon $2. "CVTL husu governu, se bele aloka osan tokon $2 ba CVTL. Kuandu osan ne'e mak apoiu ona ba CVTL maka projetu sira ne'e sei hala'o iha territóriu Timor-Leste laran tomak," dehan Madalena.
Nia dehan, projetu sira mak hanesan, dada bee, hadi'a kaza-de-bañu, saneamentu, programa nutrisaun, inklui hakiak animál.
“See hetan duni tokon $2 husi governu, povu sei sente liután husi agora ba oin," tenik nia.
Hatán ba proposta ne'e, Vise PM Armanda Berta dos Santos katak, sei haree proposta ne’e inklui regra sira hafoin deside. (*)