Print this page

UNTL Husu Osan Adisionál Tokon $1.5

Reitor UNTL, Francisco Martins Reitor UNTL, Francisco Martins Foto File

Tempotimor (Dili) - Universidade Nasionál Timor Lorosa'e (UNTL), hato'o proposta ba  Parlamentu Nasional hodi husu osan adisionál tokon US$ 1.5 atu responde ba nesesidade báziku ensinu superiór ne'e nian.


Reitór UNTL, Francisco Minguel Martins  hatete, pakote  orsamentu 2020 ne'ebe governu aloka ba UNTL kona-ba nesesidade bázika sira ne'e ho montante tokon US$ 2 la to'o.

Nele duni, atu antesipa ida ne'e, Konsellu Administrasaun UNTL deside hato'o proposta ba Parlamentu Nasionál atu husu tan osan audiosional tokon $1.5 iha Orsamentu Jeral Estadu (OJE) tinan fiskál 2020 hodi responde  ba nesesidade bázika UNTL nian.

"Ami hato'o proposta kona-ba nesesidsde bázika UNTL nian iha tinan 2020 nian, osan ne'ebé ami tau iha proposta ne'e nia valór tokon $1.5 atu oinsá bele fasilita UNTL kompleta servisu sira ne'ebé UNTL hala'o iha tinan 2020 no mós selu dívida sira ne'ebe iha," dehan, Reitór Francisco ba www.tempotimor.com, iha PN, Kuarta (22/7).

Nia dehan, UNTL ne'e nu'udar institutu públiku ne'ebé ho nia nesesidade boot tebes, entaun presiza tau orsamentu atu bele responde ba nesesidade hirak ne'e.

"Orsamentu ba nesesidade UNTL la to'o, ne'e mak ami mai antesipa hodi husu Parlamentu liuliu komisuan G atu bele haree kestaun ne'e oinsá reforsa ita-nia nesesidade báziku sira ne'ebé sai problema iha UNTL," tenik nia.

Ba kestaun ne'e, membru Komisaun G PN, Deputadu António Verdial hateten, husi sira-nia parte simu ona proposta  ne'e no sei halo debate iha komisaun bainhira deputadu sira konkorda mak hafoin lori ba plenária. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items