Print this page

Tempu Badak PN Diskute Lei Mineiru

Deputado Antonino Bianco Deputado Antonino Bianco Foto Ofisial

Tempotimor (Dili) - Parlamentu Nasionál (PN) iha tempu badak sei loke diskusaun ba Lei Mineiru tanba deputadu sira liuhusi Komisaun D entrega ona relatóriu pareser ezbosu Lei Mineiru ba Prezidente Parlamentu Nasionál.


Prezidente Komisaun D, Antinino Bianco, hateten iha semana kotuk komisaun D konklui ona relatóriu pareser kona-ba ezbosu Lei Mineiru  no entrega ona ba Meza PN.

Nia hatete, tratamentu ba lei mineiru ne'e inisiu husi kedas tinan 2016, maibe tempu ne'eba la konsege aprova tanba deputadu sira iha diferente polítika no hanoin.

Maibé agora ne'e,  nia dehan, husi sira kria komisaun ida agora aprova ona no iha ezbosu lei ne'e rasik ho totál artigu hamutuk 180, ida ne'e atu regula ba riku-soin tomak iha Timor-Leste.

"Kona-ba ezbosu Lei Mineiru Komisaun D aprova ho unanimidade no entrega ona ba Prezidente Parlamentu Nasionál atu bele ajenda hodi dekreta," dehan Antonino, ba jornalista iha Parlamentu Nasionál, Tersa (21/7).

Nia hatutan, bainhira PN dekreta ona ba Lei maka Komisaun D sei bolu mos Ministru  Petróleu no Minerais atu bele marka prezensa iha debate jeneralidade. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items