Login to your account

Username *
Password *
Remember Me

Veteranu 'Kansela' Nomeasaun Filomena Ba Administradora Manufahi 

Tempotimor (Dili) - Veteranu no populasaun sira iha Munisipiu Manufahi halo intervensaun ba desizaun Governu nian hodi kansela nomeasaun Filomena da Costa Nunes ba Administradora Munisípiu Manufahi.


Iha 19 Fevereiru 2020, Konsellu Ministru aprova ona rezolusaun ida ne'ebé aprezenta husi Ministru Administrasaun Estatál (MAE) interinu, Abílio Caetano, hodi nomeia Filomena da Costa Nunes ba Administradora Munisípiu Manufahi.

Maibé, rezolusaun ne’e pendente hela to’o ohin loron seidauk publika iha Jornál Republika tanba, hetan krítika husi komunidade no veteranu Manufahi.

Tuir Ministru Administrasaun Estatal (MAE), Miguel Pereira de Carvalho hatete, Konsellu Ministru presiza halo deliberasaun bazeia ba rezultadu husi rektutamentu kandidatu sira konkorre no tenke konsidera pareser ne’ebe hato’o husi Konsellu Konsultivu Munisipál Manufahi nian.

"Oras ne’e pendente hela tanba protesta husi grupu komunidade sira, entidade hotu no veteranu," dehan nia, hafoin hasoru-malu ho Primeiru Ministru, Taur Matan Ruak, iha Palásiu Governu, Tersa (21/07).

Relasiona ho prosesu pendente ne'e, nia dehan, daudaun ne’e servisu ministériu sei buka legalidade husi atu administrativu iha tempu ne’ebá

Prosesu provimentu ba Administradór Manufahi kandidatu na'in tolu mak propostu ba iha Konsellu Ministru, maibé tanba protesta hanesan ne’e la publika iha Jornál Repúblika.

Tanba ne'e, ministériu sei haree fila-fali eziste legalidade iha rektutamentu Administradora Manufahi ninian hodi haruka ba Konsellu Ministru atu foti desizaun kansela rektutamentu ka indika fali kandidatu sira iha laran.

Antes ne'e, Ministru Administrasaun Estatál (MAE) interinu, José Abílio Caetano hatete, rekrutamentu ba Administradór Munisípiu Manufahi tuir baze legál sira hanesan dekretu lei no. 2/2016 no dekretu lei no. 3/2016 no dekretu Governu No. 5/2016.

Tuir nia, prosesu rekrutamentu inisia ho manda karta ba Komisaun Funsaun Publika (KFP) atu halo anunsiu públiku ba rekrutamentu por méritu.

Rekruta Administradór Munisípiu Manufahi ne'e liuhusi painél entrevista ne'ebé kompostu ema na'in lima (5) husi Ministeriu Administrasaun Estatál no Komisaun Funsaun Públiku ne'ebé hanaran Grupu Tékniku Ministeriál (GTM).

Eis Governte ne'e afirma, iha prosesu entrevista, painél entervistadór sira mak iha kompeténsia tomak hodi halo selesaun ba konkorrente sira ne'ebé aplika ba vaga Administradór Manufahi nian tuir Lei númeru 5/2016. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter