Rezignasaun Xanana La Implika ba Fronteira Rai no Tasi Timor

Ministru Agio Pereira reprezenta TL ho Ministra Julia Bishop ne'ebe reprezenta Australia asina akordu delimitasaun Fronteira Maritima entre rai rua nian iha Nova Iorke asiste husi Sekjer ONU Ministru Agio Pereira reprezenta TL ho Ministra Julia Bishop ne'ebe reprezenta Australia asina akordu delimitasaun Fronteira Maritima entre rai rua nian iha Nova Iorke asiste husi Sekjer ONU Foto File

Tempotimor (Dili)-Maske mosu preokupasaun balun kona-ba rezignasaun Xanana Gusmão husi kargu nu’udar Xefe Negosiadór Prinsipal ba Delimitasaun Fronteira Maritima, maibé tuir Forum Organizasaun Naun-governamental Timor-Leste (FONGTIL), rezignasaun ne’e la implika ba fronteira rai no tasi Timor-Leste nian.

Tuir Diretór Ezekutivu FONGTIL, Daniel Santos do Carmo, rezignasaun Xanana laiha implikasaun tanba Timor-Leste nu’udar nasaun soberanu ida.

"Rezignasaun Xanana nian la implika ba fronteira sira, tanba nasaun ida ne'e, nasaun soberanu, entaun direitu ba tasi ne'e ita-nia direitu duni, tanba lei UNCLOS ka lei internasionál hotu rekoñese," dehan Daniel iha nia knaar fatin Kaikoli, Dili, Segunda (20/07).

Aleinde fronteira tasi, nia hatete, laiha implikasaun mós ba prosesu negosiasaun fronteira rai-maran ho Indonezia, tanba iha ona akordu ne’ebé klaru entre TL ho Indonezia.

Tanba ne'e laiha implikasaun negativu ida ba ita-nia fronteira tasi no rai maran, kuandu señor Xanana Gusmão rezigna an," nia dehan.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.